o‘z
RU
DE
“Ayol – nafosat va latofat namunasi” nomli kitob koʻrgazmasiga bibliografik sharhi
Joriy yilning 6-mart kuni Mirzo Ulugʻbek tuman axborot-kutubxona markazida “Ayollarni e’zozlash” oyligi va 8-mart – Xalqaro xotin-qizlar kuni munosabati bilan “Ayol – nafosat va latofat namunasi” nomli tadbir doirasida axborot-bibliografiya xizmati mutaxassisi Murtazayeva Zarina tomonidan tashkil etilgan kitob koʻrgazmasiga bibliografik sharh taqdim etildi.
Sharh davomida mutaxassis koʻrgazmaga qoʻyilgan adabiyotlarning mazmun-mohiyati, ularning tarbiyaviy ahamiyati hamda ayollar siymosi, ularning jamiyatdagi oʻrni va fazilatlarini yoritib beruvchi asarlar haqida batafsil maʼlumot berdi. Tadbir ishtirokchilari kitoblar bilan yaqindan tanishib, oʻzlarini qiziqtirgan savollarga javob oldilar.
Mazkur bibliografik sharh kitobxonlarda adabiyotga boʻlgan qiziqishni oshirish bilan birga, ayol siymosining ulugʻlanishiga bagʻishlangan asarlarni keng targʻib qilishga xizmat qildi.
Источник:
Информационно- библиотечный центр