o‘z
RU
DE 09/10/2026 - 16:55
DIQQAT, IJODKORLAR! TANLOV E’LON QILAMIZ!21-oktyabr — o‘zbek tiliga ehtirom va muhabbat ifodasi!
Mirzo Ulug‘bek tuman аxborot-kutubxona markazi 21-oktyabr — O‘zbekiston Respublikasining davlat tili to‘g‘risidagi qonuni qabul qilingan kun munosabati bilan she’rlar va rasmlar tanlovini e’lon qiladi!
TANLOVDA QANDAY ISHTIROK ETISH MUMKIN?
Ona tilimizga bag‘ishlangan she’r yuboring!
O‘zbek tiliga bo‘lgan mehringizni rasmlar orqali ifoda eting!
3 TA SOVRINLI O‘RIN EGALARINI AJOYIB SOVG‘ALAR KUTMOQDA!
Bu — o‘z iste’dodingizni namoyon etish, ona tilimizga bo‘lgan muhabbatingizni ijod orqali ifodalash uchun ajoyib imkoniyat!
Shoshiling, ijodiy ishingizni tayyorlang va adminimizga yuboring! Do‘stlaringizga ham ulashing, ular ham tanlovda ishtirok etishsin!
Admin:@mirzo_ulugbek_takmm
08/10/2026 - 16:48
Joriy yilning 8-oktyabr kuni Mirzo Ulugʻbek tuman axborot-kutubxona markazida rus yozuvchisi va jurnalist Yulian Semyonov tavalludining 95 yilligi munosabati bilan “Yulian Semyonov va uning adabiy merosi” nomli kitob ko‘rgazmasi tashkil etildi va unda namoyish etilgan adabiyotlarga bibliografik sharh berildi.Ko‘rgazmada Yulian Semyonovning hayoti va ijodiy faoliyati, uning rus adabiyotida tutgan o‘rni, mashhur asarlari hamda yozuvchining tarixiy, detektiv va publitsistik yo‘nalishdagi ijodiy merosini yorituvchi adabiyotlar keng namoyish etildi.
07/10/2026 - 17:26
Joriy yilning 7-oktyabr kuni Mirzo Ulug‘bek tuman axborot-kutubxona markazi mutaxassislari “Alisherobod” MFYda faoliyat yuritayotgan mahalla kutubxonasiga tashrif buyurdilar.Tashrif davomida kutubxona faoliyatini samarali tashkil etish, mavjud kitob fondini tartibga solish va kitobxonlarga ko‘rsatilayotgan xizmatlar sifatini yanada oshirish yuzasidan tavsiyalar berildi.
Suhbat jarayonida mahalla aholisi, xususan, yoshlarning kitob o‘qishga bo‘lgan qiziqishini kuchaytirish, mutolaa madaniyatini keng targ‘ib etish hamda mazmunli ma’naviy-ma’rifiy tadbirlarni yo‘lga qo‘yish masalalari muhokama qilindi.
Uchrashuv yakunida mahalla kutubxonasi bilan hamkorlikni rivojlantirish, kitobxonlar uchun qiziqarli loyihalarni amalga oshirish va yangi tashabbuslarni qo‘llab-quvvatlash bo‘yicha kelishib olindi.
07/10/2026 - 17:24
Joriy yilning 7-oktyabr kuni Mirzo Ulug‘bek tuman axborot-kutubxona markazida “Ayollar huquqlari – taraqqiyot asosi” mavzusida “Ayol-taraqqiyot timsoli” nomli kitob ko‘rgazmasi tashkil etildi hamda ko‘rgazma yuzasidan bibliografik sharh o‘tkazildi.Ko‘rgazmadan xotin-qizlarning huquq va manfaatlari, gender tengligi, ayollarning jamiyat hayotidagi faol ishtiroki hamda ularning ijtimoiy hayotdagi o‘rniga bag‘ishlangan adabiyotlar o‘rin oldi.
Bibliografik sharh davomida kitobxonlarga mazkur adabiyotlar haqida ma’lumot berilib, ayollar huquqlarini hurmat qilish, ularning jamiyat taraqqiyotidagi beqiyos o‘rnini anglash va qadrlashga e’tibor qaratildi.
05/10/2026 - 16:38
Joriy yilning 5-oktyabr kuni Mirzo Ulug‘bek tuman axborot-kutubxona markazi mutaxassislari tomonidan “2026 yil — Mahallani rivojlantirish va jamiyatni yuksaltirish yili” munosabati bilan tashkil etilgan “Mahalla — qadriyatlar beshigi” nomli kitob ko‘rgazmasining navbatdagi bibliografik sharhi o‘tkazildi.Bibliografik sharh davomida kitobxonlarga mahalla hayoti, uning rivoji, jamiyat taraqqiyoti, milliy-ma’naviy qadriyatlar hamda barkamol avlod tarbiyasiga oid adabiyotlar taqdim etildi. Shuningdek, mazkur kitoblarning mazmun-mohiyati va ahamiyati haqida batafsil ma’lumotlar berildi.
05/10/2026 - 16:37
Joriy yilning 5-oktabr kuni Mirzo Ulug‘bek tuman axborot-kutubxona markazi mutaxassislari “Darxon” MFYda tashkil etilgan mahalla kutubxonasiga tashrif buyurdilar.Tashrif jarayonida mahalla kutubxonasi faoliyatini yanada takomillashtirish, kitob fondini tartibli va samarali yuritish, aholiga ko‘rsatilayotgan axborot-kutubxona xizmatlarini rivojlantirish bo‘yicha amaliy tavsiyalar berildi.
Shuningdek, aholi, ayniqsa yoshlar o‘rtasida kitobxonlikka bo‘lgan qiziqishni oshirish, mutolaa madaniyatini targ‘ib qilish hamda mahallada turli ma’naviy-ma’rifiy tadbirlarni muntazam tashkil etish masalalariga alohida e’tibor qaratildi.
Uchrashuv yakunida mahalla kutubxonasi bilan kelgusida hamkorlikni yanada kuchaytirish, kitobxonlar uchun yangi loyihalar va tadbirlarni amalga oshirish yuzasidan fikr almashildi.
02/10/2026 - 16:35
Bugun, 2-oktabr kuni Mirzo Ulug‘bek tuman axborot-kutubxona markazida 1-oktabr — “O‘qituvchi va murabbiylar kuni” munosabati bilan kitob ko‘rgazmasi tashkil qilindi.Ko‘rgazmada ustoz va murabbiylarning sharafli kasbi, ta’lim-tarbiya jarayonidagi o‘rni hamda yosh avlodni kamol toptirishdagi fidokorona mehnatini yorituvchi adabiyotlar namoyish etildi.
Shuningdek, ko‘rgazmaga qo‘yilgan adabiyotlarga bibliografik sharh berildi. Unda kitoblarning mazmuni, mualliflari va mavzuga oid ahamiyati haqida ma’lumotlar taqdim etildi.
02/10/2026 - 16:32
Joriy yilning 2-oktyabr kuni Mirzo Ulug‘bek tuman axborot-kutubxona markazi mutaxassislari tomonidan "1-oktyabr — O‘qituvchi va murabbiylar kuni" munosabati bilan 64-sonli umumta’lim maktabi o‘quvchilari uchun ma’naviy-ma’rifiy tadbir tashkil etildi.Tadbir davomida ustoz va murabbiylarning jamiyat hayotidagi beqiyos o‘rni, yosh avlodga ta’lim-tarbiya berishdagi fidokorona mehnati haqida so‘z yuritildi. O‘qituvchilik kasbining sharafli va mas’uliyatli jihatlari haqida o‘quvchilarga ma’lumotlar berildi.
Shuningdek, tadbir davomida ustozlarga bo‘lgan hurmat va ehtirom, ularning yoshlar hayotidagi o‘rni haqida fikr-mulohazalar bildirildi. O‘quvchilar tomonidan ustoz va murabbiylarga bag‘ishlangan she’rlar ifodali tarzda o‘qib eshittirildi.
Tadbirda o'quvchilar tomonidan tayyorlangan raqslar ijro etildi.
Davra suhbati jarayonida o‘quvchilar o‘z fikr-mulohazalarini bildirdilar, ustozlarga bo‘lgan samimiy tilaklarini izhor etdilar hamda tadbirda faol ishtirok etdilar.
Tadbir yakunida ustoz va o'quvchilarga AKM tomonidan tayyorlangan kichik esdalik sovg'alar topshirildi.
02/10/2026 - 16:29
2026-yil 2-oktyabr kuni Mirzo Ulug‘bek tuman axborot-kutubxona markaziga 64-sonli umumta’lim maktabining o‘quvchilari tashrif buyurishdi. Tashrif davomida o‘quvchilar uchun kutubxona faoliyati bilan yaqindan tanishishga qaratilgan qiziqarli ekskursiya tashkil etildi.Ekskursiya davomida o‘quvchilarga kutubxonaning asosiy bo‘limlari, kitob fondi va kutubxonadan foydalanish tartibi haqida ma’lumotlar berildi. Shuningdek, ular turli mavzu va janrlardagi adabiyotlar bilan tanishib, o‘zlari qiziqqan kitoblarni tomosha qilishdi.
24/09/2026 - 16:32
Joriy yilning 24-sentyabr kuni Mirzo Ulug‘bek tuman axborot-kutubxona markazi mutaxassislari “Shahrisabz” MFYda tashkil qilingan mahalla kutubxonasiga tashrif buyurib, metodik va amaliy yordam ko‘rsatdilar.Tashrif davomida kitobxonlik madaniyatini rivojlantirish, kitob fondidan samarali foydalanish, axborot-kutubxona xizmatlari sifatini oshirish hamda aholining mutolaa faolligini yuksaltirish yuzasidan tavsiya va takliflar berildi.
Shuningdek, mahallada ma’naviy-ma’rifiy tadbirlarni hamkorlikda tashkil etish, kitobxonlikni keng targ‘ib qilish va kelgusidagi hamkorlik rejalarini belgilash masalalari muhokama qilindi.
Mazkur tashrif o‘zaro hamkorlikni mustahkamlash hamda mahalla aholisi o‘rtasida kitobxonlik madaniyatini yanada rivojlantirishga xizmat qiladi.
Pages
