o‘z
RU
DE 09/04/2026 - 16:29
Joriy yilning 9-aprel kuni Mirzo Ulugʻbek tuman axborot-kutubxona markazi mutaxassislari tomonidan Amir Temur tavalludining 690 yilligi munosabati bilan “Buyuk sarkarda Amir Temur” nomli kitob ko‘rgazmasi va bibliografik sharh tashkil etildi.Ko‘rgazmada Amir Temurning hayoti, sarkardalik mahorati, davlat boshqaruvi hamda boy tarixiy merosiga bag‘ishlangan adabiyotlar namoyish etildi.
Bibliografik sharh davomida kitobxonlarga mazkur mavzudagi eng muhim manbalar, ularning mazmuni va ahamiyati haqida batafsil tushunchalar berildi.
Tadbir ishtirokchilarda milliy tariximizga bo‘lgan qiziqish va hurmatni yanada oshirishga xizmat qildi.
07/04/2026 - 15:33
Joriy yilning 7-aprel kuni Mirzo Ulug‘bek tuman axborot-kutubxona markazida “ 7-aprel – Butunjahon salomatlik kuni ” munosabati bilan kitob ko‘rgazmasining bibliografik sharhi tashkil etildi.Mazkur sharhning asosiy maqsadi — sog‘lom turmush tarzini targ‘ib qilish, aholining tibbiy madaniyatini yuksaltirish hamda salomatlikka oid dolzarb masalalar bo‘yicha xabardorlikni oshirishdan iborat.
Sharh davomida salomatlik, sog‘lom ovqatlanish, jismoniy faollik, ruhiy salomatlik, tibbiy maslahatlar hamda pandemiyalarga qarshi kurash mavzularini yorituvchi turli adabiyotlar taqdim etildi.
06/04/2026 - 15:35
#hamkorlik 2026-yil 6-aprel kuni Mirzo Ulug‘bek tuman axborot-kutubxona markazi hamda Toshkent shahar Mirzo Ulug‘bek tuman Favqulodda vaziyatlar boshqarmasi o‘rtasida hamkorlik shartnomasi imzolandi.
Ushbu hamkorlik doirasida yana bir muhim tashabbus — ko‘chma kutubxona tashkil etildi. Endilikda kitoblar aholiga yanada yaqinroq bo‘lib, ayniqsa xizmat jarayonida bo‘lgan xodimlar uchun ham mutolaa qilish imkoniyati kengayadi.
Mutaxassislar tomonidan amaliy va metodik yordamlar ko‘rsatilib, loyiha samarali yo‘lga qo‘yildi. Bu esa kitobxonlikni rivojlantirish va aholining ma’naviy saviyasini oshirishga xizmat qiladi.
Bunday ezgu tashabbuslar kelgusida ham davom etib, yanada keng ko‘lamda amalga oshirilishiga ishonamiz!
03/04/2026 - 17:03
Joriy yilning 3-aprel kuni Rossiyadan tashrif buyurgan xorijiy mehmon Mirzo Ulugʻbek tuman axborot-kutubxona markaziga tashrif buyurdi.Mutaxassislar tomonidan chet el mehmoni uchun kutubxona bo‘ylab ekskursiya tashkil etildi. Ekskursiya davomida mehmon kutubxonaning nemis va o‘quv zallari bilan yaqindan tanishdi.
Shu bilan birga, mehmon kutubxona fondida mavjud badiiy, ilmiy hamda ma’naviy-ma’rifiy nashrlar, zamonaviy axborot-resurslari va kitobxonlar uchun yaratilgan sharoitlar haqida batafsil ma’lumot oldi.
Tashrif davomida mehmon kutubxona faoliyati, uning asosiy yo‘nalishlari hamda foydalanuvchilarga ko‘rsatilayotgan xizmatlar bilan tanishib, o‘zida ijobiy taassurot qoldirdi.
03/04/2026 - 17:01
Joriy yilning 3-aprel kuni Mirzo Ulugʻbek tuman axborot-kutubxona markazi mutaxassislari “Lashkarbegi” mahallasiga tashrif buyurib, amaliy va metodik yordam koʻrsatishdi. Tashrif davomida aholi oʻrtasida kitobxonlik madaniyatini rivojlantirish, axborot xizmatlarini yanada samarali tashkil etish hamda kutubxona faoliyatini takomillashtirish boʻyicha tavsiyalar berildi.
Ushbu uchrashuv oʻzaro hamkorlikni mustahkamlash va maʼnaviy-maʼrifiy ishlar samaradorligini oshirishga xizmat qildi.
02/04/2026 - 15:27
Joriy yilning 2-aprel kuni Mirzo Ulugʻbek tuman axborot-kutubxona markazida “Xalqaro bolalar kitoblari kuni” munosabati bilan kitob ko‘rgazmasi tashkil etildi.Ko‘rgazma bolalar adabiyotining eng sara namunalarini o‘z ichiga olib, unda ertaklar, bolalar uchun mo‘ljallangan ilmiy-ommabop kitoblar hamda taniqli yozuvchilarning asarlari namoyish etildi.
Mazkur ko‘rgazma yosh avlodni kitob mutolaasiga jalb etish, ularda bilim olishga bo‘lgan qiziqishni yanada oshirishga xizmat qiladi. Shuningdek, bolalar adabiyotining tarbiyaviy ahamiyati hamda yoshlar kamolotidagi o‘rni keng yoritildi.
02/04/2026 - 15:23
#ekskursiya Joriy yilning 2-aprel kuni Germaniyadan tashrif buyurgan xorijiy mehmonlar Mirzo Ulugʻbek tuman axborot-kutubxona markaziga tashrif buyurdilar.
Mutaxassislar tomonidan chet el mehmonlari uchun kutubxona bo‘ylab ekskursiya tashkil etildi. Ekskursiya davomida mehmonlar kutubxonaning nemis va o‘quv zallari bilan yaqindan tanishdilar.
Shu bilan birga, mehmonlarga kutubxona fondida mavjud badiiy, ilmiy hamda ma’naviy-ma’rifiy nashrlar, zamonaviy axborot-resurslari va kitobxonlar uchun yaratilgan sharoitlar haqida batafsil ma’lumot berildi.
Tashrif davomida mehmonlar kutubxona faoliyati, uning asosiy yo‘nalishlari hamda foydalanuvchilarga ko‘rsatilayotgan xizmatlar bilan tanishib, o‘zlarida ijobiy taassurot qoldirdilar.
01/04/2026 - 08:43
2026-yil 1-aprel kuni Mirzo Ulug‘bek tuman axborot-kutubxona markaziga “Deutsch School” xususiy maktabi o‘quvchilari tashrif buyurdi. Tashrif davomida o‘quvchilar uchun nemis o‘quv zalida ekskursiya tashkil etildi.Ekskursiya jarayonida o‘quvchilarga nemis o‘quv zalining imkoniyatlari, undagi adabiyotlar fondi hamda mavjud resurslar haqida batafsil ma’lumotlar berildi. Shuningdek, o‘quvchilar kitob mutolaasiga bo‘lgan qiziqishlarini namoyon etdilar.
Mazkur ekskursiya o‘quvchilarning adabiyotga bo‘lgan qiziqishini yanada oshirishga hamda ularni kutubxona faoliyati bilan yaqindan tanishtirishga xizmat qildi.
27/03/2026 - 15:48
Joriy yilning 27-mart kuni Mirzo Ulug‘bek tuman axborot-kutubxona markazida "Yosh kitobxon" klubi a'zolari bilan so‘rovnoma o‘tkazildi.So‘rovnoma davomida ishtirokchilar kitoblar va axborot-kutubxona xizmatlari bilan bog‘liq savollarga javob berishdi va o‘z sevimli asarlari haqida fikr bildirishdi.
Shu bilan birga, kitobxonlar axborot-kutubxona markazida mavjud bo‘lgan yangi kitoblar, elektron resurslar va turli xizmatlar haqida ma'lumotga ega bo'ldilar. So‘rovnoma yosh kitobxonlarning qiziqishlarini o‘rganish va kelajakdagi faoliyatni yaxshilashga yordam berdi.
27/03/2026 - 14:30
Joriy yilning 27-mart kuni Mirzo Ulugʻbek tuman axborot-kutubxona markazining AKT mutaxassislari tomonidan “Axborot-kutubxona markazida axborot xavfsizligini ta’minlash” mavzusida targ‘ibot tadbiri tashkil etildi.Axborot-kutubxona markazi mutaxassislariga axborot tizimlaridan xavfsiz foydalanish, shaxsiy ma’lumotlarni himoya qilish, kuchli parollar yaratish hamda turli kiberxavflardan (viruslar, fishing hujumlari va zararli havolalar) himoyalanish bo‘yicha tushunchalar berildi.
Tadbir davomida mavzuga oid slaydlar asosida tayyorlangan taqdimot namoyish etilib, unda axborot xavfsizligining asosiy jihatlari va amaliy tavsiyalar batafsil yoritib berildi.
Xodimlarga elektron resurslar, ma’lumotlar bazalari hamda internet tarmog‘idan foydalanishda ehtiyot choralariga rioya qilish muhimligi alohida ta’kidlandi. Axborot xavfsizligini ta’minlash orqali kutubxona faoliyatining samaradorligini oshirish hamda foydalanuvchilarga ishonchli xizmat ko‘rsatish masalalari yoritildi.
Pages
