o‘z
RU
DE 15/05/2026 - 17:15
Joriy yilning 15-may kuni Mirzo Ulugʻbek tuman axborot-kutubxona markazi mutaxassislari “Lashkarbegi” mahallasiga tashrif buyurishdi.Tashrif davomida “Butunjahon oila kuni” munosabati bilan “Baxtli oila — baxtli kelajak” mavzusida maʼnaviy-maʼrifiy tadbir tashkil etildi.
Tadbirda oilada kitobxonlik madaniyatini shakllantirish, yoshlarni maʼnaviy barkamol etib tarbiyalash hamda oila qadriyatlarini mustahkamlash borasida suhbat va tavsiyalar olib borildi.
Shuningdek, tadbir doirasida oila, tarbiya va maʼnaviyatga oid adabiyotlardan iborat kitob ko‘rgazmasi ham tashkil qilindi.
Ushbu uchrashuv mahalla aholisi bilan hamkorlikni yanada rivojlantirish, maʼnaviy-maʼrifiy ishlar samaradorligini oshirishga xizmat qildi.
15/05/2026 - 17:08
Joriy yilning 15-may kuni Mirzo Ulug‘bek tuman axborot-kutubxona markazida “15-may — Butunjahon oila kuni” munosabati bilan “Baxtli oila — baxtli kelajak” mavzusida kitob ko‘rgazmasi tashkil etildi.Ko‘rgazmada oila qadriyatlari, farzand tarbiyasi, milliy an’analar hamda sog‘lom va mustahkam oilani shakllantirishga bag‘ishlangan badiiy, ilmiy-ommabop va ma’rifiy adabiyotlar namoyish etildi.
Ushbu kitob ko‘rgazmasiga qiziqqan barcha kitobxon va foydalanuvchilarni Mirzo Ulug‘bek tuman AKMga taklif etamiz.
13/05/2026 - 12:37
Joriy yilning 13-may kuni Mirzo Ulugʻbek tuman axborot-kutubxona markazida rus adabiyotining yirik namoyandasi Mixail Bulgakov tavalludining 135 yilligi munosabati bilan “Qoʻlyozmalar yonmaydi” nomli kitob koʻrgazmasi va bibliografik sharh tashkil etildi.Koʻrgazmada adibning hayoti va ijodiga oid asarlar, uning jahon adabiyotidan munosib oʻrin egallagan mashhur kitoblari hamda adabiy merosini yorituvchi manbalar keng namoyish etildi.
Bibliografik sharh davomida kitobxonlarga Mixail Bulgakovning ijodiy faoliyati, asarlarining mazmun-mohiyati, badiiy xususiyatlari va adabiyot rivojidagi oʻrni haqida batafsil ma'lumotlar berildi.
Tadbir kitobxonlarda jahon adabiyotiga boʻlgan qiziqishni yanada oshirish, mutolaa madaniyatini targʻib qilish hamda buyuk ijodkorlar merosiga hurmat ruhini mustahkamlashga xizmat qildi.
12/05/2026 - 16:37
Joriy yilning 12-may kuni Mirzo Ulug‘bek tuman axborot-kutubxona markazida “Ayollar huquqlari — taraqqiyot asosi” mavzusida mazmunli davra suhbati bo‘lib o‘tdi.Tadbir davomida ayollar huquqlarini ta’minlash, ularning jamiyat taraqqiyotidagi o‘rni hamda konstitutsiyaviy kafolatlarning amaliy ahamiyati yuzasidan atroflicha fikrlar bildirildi.
Bunday uchrashuvlar fuqarolarning huquqiy madaniyatini yuksaltirish, jamiyatda ayollar o‘rnini mustahkamlash hamda ularning ijtimoiy faolligini oshirishda muhim ahamiyat kasb etadi.
12/05/2026 - 16:35
Joriy yilning 12-may kuni Mirzo Ulugʻbek tuman axborot-kutubxona markazida “Ayollar huquqlari – taraqqiyot asosi” nomli kitob koʻrgazmasi tashkil etildi.Koʻrgazmada xotin-qizlarning jamiyatdagi oʻrni, ularning huquq va manfaatlarini himoya qilish, gender tengligi hamda ayollarning ijtimoiy-siyosiy hayotdagi faolligini yorituvchi adabiyot va nashrlar keng oʻrin oldi.
Koʻrgazmadan oʻrin olgan kitoblar kitobxonlarda ayollar huquqlariga hurmat ruhini shakllantirish, ularning jamiyat taraqqiyotidagi muhim oʻrnini anglashga xizmat qiladi.
Ushbu kitob koʻrgazmasiga qiziqgan barcha kitobxon va foydalanuvchilarni Mirzo Ulugʻbek tuman AKMga taklif etamiz.
08/05/2026 - 16:14
Joriy yilning 8-may kuni Mirzo Ulugʻbek tuman axborot-kutubxona markaziga 50-sonli umumta’lim maktabi o‘quvchilari tashrif buyurishdi. Tashrif doirasida 9-may — Xotira va qadrlash kuniga bag‘ishlangan ma’naviy-ma’rifiy tadbir va davra suhbati tashkil etildi.Tadbir davomida o‘quvchilarga Xotira va qadrlash kunining mazmun-mohiyati, yurtimiz tinchligi va xalq farovonligi yo‘lida fidokorona xizmat qilgan insonlarning jasorati haqida batafsil ma’lumot berildi. Shuningdek, mavzuga oid she’rlar va adabiy parchalar ifodali tarzda o‘qib eshittirildi.
Tadbir jarayonida Vatanga sadoqat, ajdodlar xotirasiga hurmat va milliy qadriyatlarni e’zozlash mavzularida suhbatlar olib borildi.
Davra suhbati davomida o‘quvchilar o‘z fikr-mulohazalarini bildirdilar hamda mavzu yuzasidan o‘zlarini qiziqtirgan savollarga javob oldilar.
08/05/2026 - 16:11
Joriy yilning 8-may kuni Mirzo Ulug‘bek tuman axborot-kutubxona markazi mutaxassislari tomonidan 9-may — Xotira va qadrlash kuniga bag‘ishlangan kitob ko‘rgazmasi tashkil etildi.Ko‘rgazmada yurt tinchligi va xalq osoyishtaligi yo‘lida fidokorona xizmat qilgan ajdodlar xotirasiga bag‘ishlangan kitoblar, tarixiy va ma’rifiy adabiyotlar hamda mavzuga oid manbalar namoyish etildi.
Koʻrgazmaning asosiy maqsadi yosh avlod qalbida Vatanga muhabbat, ajdodlar xotirasiga hurmat va milliy qadriyatlarga sadoqat tuyg‘ularini yanada mustahkamlashdan iborat.
Ushbu kitob koʻrgazmasiga qiziqgan barcha kitobxon va foydalanuvchilarni Mirzo Ulugʻbek tuman AKMda kutib qolamiz.
08/05/2026 - 16:09
2026-yil 8-may kuni Mirzo Ulug‘bek tuman axborot-kutubxona markaziga 50-sonli umumta’lim maktabining o‘quvchilari tashrif buyurishdi. Tashrif davomida o‘quvchilar uchun kutubxona bo‘ylab qiziqarli va mazmunli ekskursiya tashkil etildi.Ekskursiya jarayonida o‘quvchilarga kutubxonaning bo‘limlari, boy kitob fondi, hamda kitoblardan foydalanish qoidalari haqida batafsil ma’lumot berildi. O‘quvchilar turli janrdagi kitoblar bilan tanishib, o‘zlarini qiziqtirgan adabiyotlarni katta qiziqish bilan tomosha qilishdi.
Tashrif davomida kitobxonlik madaniyati, kitobning inson hayotidagi o‘rni va bilim olishdagi ahamiyati haqida suhbatlar olib borildi.
Mazkur ekskursiya o‘quvchilarning kitobga bo‘lgan mehrini yanada oshirish, ularni kutubxona faoliyati bilan yaqindan tanishtirishga xizmat qildi.
04/05/2026 - 16:18
Joriy yilning 4-may kuni Mirzo Ulug‘bek tuman axborot-kutubxona markazida mutaxassislar tomonidan “3-may – Butunjahon matbuot erkinligi kuni” munosabati bilan kitob ko‘rgazmasi tashkil qilindi va bibliografik sharh oʻtkazildi.Mazkur ko'rgazmaning asosiy maqsadi — jamiyatda so‘z va fikr erkinligini targ‘ib qilish, aholining axborot madaniyatini yuksaltirish hamda matbuot erkinligiga oid dolzarb masalalar bo‘yicha xabardorlikni oshirishdan iborat.
Sharh davomida matbuot erkinligi, ommaviy axborot vositalarining jamiyatdagi o‘rni, axborot xavfsizligi hamda ochiqlik va oshkoralik masalalarini yorituvchi turli adabiyotlar taqdim etildi.
04/05/2026 - 16:16
Joriy yilning 4-may kuni Mirzo Ulugʻbek tuman axborot-kutubxona markazi mutaxassislari Toshkent shahar Mirzo Ulugʻbek tuman hokimligiga tashrif buyurib, metodik va amaliy yordam koʻrsatdilar.Tashrif davomida axborot-kutubxona faoliyatini samarali tashkil etish, xizmatlar sifatini oshirish hamda kitobxonlikni keng targʻib etish borasida zarur tavsiyalar berildi. Shuningdek, hamkorlikni yanada mustahkamlash va istiqboldagi rejalar yuzasidan fikr almashildi.
Mazkur tashrif hududda maʼnaviy-maʼrifiy ishlarni rivojlantirish hamda aholiga sifatli axborot xizmatlarini koʻrsatishda muhim ahamiyat kasb etadi.
Pages
