o‘z
RU
DE 11/02/2026 - 16:04
Joriy yilning 11-fevral kuni Mirzo Ulugʻbek tuman axborot-kutubxona markazi tomonidan “Kitobxonlik oiladan boshlanadi: Kitobxon ona – kitobxon bola” mavzusida kitob koʻrgazmasi va bibliografik sharh tashkil etildi.Koʻrgazmada oilada mutolaa muhitini shakllantirish, onaning farzand tarbiyasidagi oʻrni hamda bolalarda kitobga mehr uygʻotish masalalariga oid adabiyotlar namoyish etildi.
Bibliografik sharh davomida taqdim etilgan kitoblarning mazmuni va ularning yosh avlod tarbiyasidagi ahamiyati haqida qisqacha maʼlumotlar berildi.
10/02/2026 - 17:19
2026-yil 10-fevral kuni Mirzo Ulug‘bek tuman axborot-kutubxona markazida Mirzo Ulug‘bek AKM mutaxassislari hamda “Zamondosh” adabiy klubi a’zolari bilan birga, buyuk rus shoiri Aleksandr Sergeyevich Pushkin hayoti va ijodiga bag‘ishlangan “U vaqt va makon ustidan g‘alaba qozondi” deb nomlangan adabiy-ma’rifiy tadbir bo‘lib o‘tdi.Tadbir jarayonida “Zamondosh” adabiy klubi a’zolari faol ishtirok etib, Pushkinning hayoti va ijodi haqida ma’lumotlar berishdi, shoirning asarlaridan namunalarni o‘qib eshittirdilar, shuningdek, uning she’rlarini kuylash va o‘qish orqali tadbirga yanada fayz qo'shdilar.
Shuningdek, Pushkinning adabiy merosi, yozuvchilik uslubi va uning zamonaviy adabiyotga ta’siri haqida ham fikrlar bildirildi.
10/02/2026 - 16:56
Joriy yilning 10-fevral kuni Mirzo Ulug‘bek tuman axborot-kutubxona markazida OʻzDJTUning “Rus filologiya” fakulteti 3-bosqich talabalari uchun o‘quv amaliyoti doirasidagi navbatdagi mashg‘ulot o‘tkazildi.Mashg‘ulot jarayonida talabalar tanlangan materiallarni tahlil qilish, reja bandlari, maqsad va vazifalarni shakllantirish, shuningdek, buktreylerlarni ovozli tarzda yozib olish, taqdimotlarni tuzish va ularni rasmiylashtirish orqali zamonaviy mediaformatlar bilan ishlash bo‘yicha amaliy ko‘nikmalarini rivojlantirdilar.
10/02/2026 - 16:47
Joriy yilning 10-fevral kuni Mirzo Ulugʻbek tuman axborot-kutubxona markazi mutaxassislari tomonidan 112-sonli umumta’lim maktabida “Alisher Navoiy — gʻazal mulkining sultoni, mutafakkir va davlat arbobi” mavzusida ma’naviy-ma’rifiy tadbir tashkil etildi.Tadbir davomida Alisher Navoiyning hayoti va ijodi, boy adabiy merosi hamda davlat arbobi sifatidagi faoliyati haqida atroflicha ma’lumotlar berildi. Shoir hayoti va ijodiga bag‘ishlangan videorolik namoyish etilib, o‘quvchilarning mavzuga bo‘lgan qiziqishi yanada oshirildi.
Tadbir so‘ngida o‘quvchilar ishtirokida viktorina tashkil etilib, faol qatnashganlar esdalik sovg‘alari bilan taqdirlandi.
09/02/2026 - 17:03
Joriy yilning 9-fevral kuni Mirzo Ulug‘bek tuman axborot-kutubxona markazida OʻzDJTUning “Rus filologiya” fakulteti 3-bosqich talabalari uchun navbatdagi o‘quv amaliyoti doirasida mashg‘ulot o'tkazildi.Mashg‘ulot jarayonida talabalar AKM fondi hamda raqamli manbalar orqali o‘z buktreylerlari uchun mos axborotlarni to‘pladilar, ssenariy va vizual g‘oyalar ustida ishladilar. Shuningdek, talabalar o‘z buktreylerlarini yaratish uchun konsepsiyalar ishlab chiqib, ularni amalga oshirishga doir batafsil rejalarni shakllantirdilar hamda buktreylerlar uchun suratga olish ishlarini davom ettirishdi.
Mazkur faoliyat talabalarining ijodiy fikrlashini kengaytirish, axborot bilan ishlash va zamonaviy texnologiyalarni amaliyotga tatbiq etish ko‘nikmalarini mustahkamlashga yordam beradi.
09/02/2026 - 17:00
Joriy yilning 9-fevral kuni Mirzo Ulugʻbek tuman axborot-kutubxona markazi mutaxassislari tomonidan “Alisher Navoiy — gʻazal mulkining sultoni, mutafakkir va davlat arbobi ” mavzusida kitob ko‘rgazmasining bibliografik sharhi tashkil etildi.Bibliografik sharhda buyuk mutafakkir va mumtoz adabiyotning yirik namoyandasi Alisher Navoiyning hayoti va ijodi, uning turkiy adabiyot taraqqiyoti, ma’naviyat va ma’rifat rivojiga qo‘shgan ulkan hissasini yorituvchi adabiyotlar haqida batafsil ma’lumot berildi.
Shuningdek, Navoiy asarlarida ilgari surilgan insonparvarlik, adolat, ilm-ma’rifat, vatan va xalqga sadoqat g‘oyalari keng targ‘ib etilib, yosh avlodni milliy qadriyatlarga hurmat ruhida tarbiyalashga alohida e’tibor qaratildi.
06/02/2026 - 17:01
Joriy yilning 6-fevral kuni Mirzo Ulug‘bek tuman axborot-kutubxona markazida OʻzDJTUning “Rus filologiya” fakulteti 3-bosqich talabalari uchun navbatdagi o‘quv amaliyoti doirasida mashg‘ulot o'tkazildi.O‘quv amaliyoti davomida talabalar innovatsion texnologiyalar va sun’iy intellektdan o‘z yo‘nalishlari bo'yicha foydalanish imkoniyatlari bilan tanishdilar.
Talabalar AKM fondi hamda raqamli manbalar orqali o‘z buktreylerlari uchun mos axborotlarni to‘pladilar, ssenariy va vizual g‘oyalar ustida ishladilar, videoroliklarni suratga olish ishlarini boshladilar.
Mazkur faoliyat talabalarining ijodiy fikrlashini kengaytirish, axborot bilan ishlash va zamonaviy texnologiyalarni amaliyotga tatbiq etish ko‘nikmalarini mustahkamladi.
05/02/2026 - 16:21
Joriy yilning 5-fevral kuni Mirzo Ulug‘bek tuman axborot-kutubxona markaziga OʻzDJTUning “Rus filologiya” fakulteti 3-bosqich talabalari navbatdagi o‘quv amaliyoti doirasida tashrif buyurdilar.Bugungi o‘quv amaliyoti davomida talabalar markaz fondidagi kitoblar asosida buktreyler va taqdimotlar tayyorlash uchun zarur bo‘lgan ma’lumotlarni to‘pladilar.
Shuningdek, talabalar tanlangan asarlar mazmunini o‘rganib, buktreylerlar uchun ssenariy g‘oyalari, vizual obrazlar hamda taqdimot uchun mos materiallarni tayyorladilar.
Bu jarayon orqali talabalar axborotni ijodiy yondashuv asosida taqdim etish, kitobxon qiziqishini oshirishga qaratilgan vizual kontentlar yaratish bo‘yicha tajriba orttirdilar
05/02/2026 - 16:12
Joriy yilning 5-fevral kuni Mirzo Ulugʻbek tuman axborot-kutubxona markazi mutaxassislari tomonidan “Mahmudxo‘ja Behbudiy — buyuk xalq ma’rifatchisi” mavzusida kitob ko‘rgazmasining bibliografik sharhi tashkil etildi.Bibliografik sharhda jadidchilik harakatining yetuk namoyandasi Mahmudxo‘ja Behbudiyning hayoti va ijodi, uning milliy ma’rifat, ta’lim-tarbiya, matbuot va jamiyat taraqqiyotidagi beqiyos xizmatlarini yorituvchi adabiyotlar haqida atroflicha ma’lumot berildi. Shuningdek, Behbudiyning asarlari orqali yoshlarni ilm-ma’rifatga, vatanparvarlik va ongli fikrlashga chorlovchi g‘oyalar targ‘ib etildi.
04/02/2026 - 16:56
Joriy yilning 4-fevral kuni Mirzo Ulug‘bek tuman axborot-kutubxona markaziga OʻzDJTUning "Rus filologiya" fakulteti 3-bosqich talabalari navbatdagi o‘quv amaliyotiga keldilar.Bugungi o‘quv amaliyoti davomida talabalar xorijiy, rus va o‘zbek adabiyoti mualliflarining asarlari asosida buktreylerlar tayyorlashni o‘rgandilar. Ular asar mazmuniga mos ssenariy tuzish, vizual obrazlar hamda musiqiy fonni to‘g‘ri tanlash orqali kitoblarni ijodiy tarzda taqdim etish ko‘nikmalarini shakllantirdilar.
Shu bilan birga, talabalar axborotni ijodiy yondashuvda taqdim qilish, kitobxon qiziqishini oshirishga qaratilgan vizual kontentlar yaratish bo‘yicha amaliy tajriba orttirdilar.
Pages
