o‘z
RU
DE 21/01/2026 - 17:27
oriy yilning 22-yanvar kuni Mirzo Ulugʻbek tuman axborot-kutubxona markazi mutaxassislari Toshkent shahrida joylashgan “Wunderkind Family” xususiy maktabiga tashrif buyurdilar. Ushbu tashrif o‘quvchilar orasida kitobxonlik madaniyatini rivojlantirish, ularning bilim olishga bo‘lgan qiziqishini oshirish hamda kutubxona axborot xizmatlari bilan yaqindan tanishtirish maqsadida tashkil etildi.Tashrif davomida mutaxassislar tomonidan kutubxona faoliyati, mavjud axborot-resurslar, zamonaviy xizmat turlari haqida atroflicha ma’lumot berildi. O‘quvchilar uchun kitob mutolaasining ahamiyati, bilim va tafakkurni kengaytirishdagi o‘rni haqida suhbatlar o‘tkazildi.
Tadbir yakunida tomonlar o‘rtasida o‘zaro hamkorlikni mustahkamlashga qaratilgan hamkorlik shartnomasi imzolandi. Ushbu hamkorlik kelgusida o‘quvchilarni kitobga oshno etish, ma’naviy-ma’rifiy tadbirlarni birgalikda tashkil etishga xizmat qiladi.
21/01/2026 - 14:12
2026-yil 22-yanvar kuni Mirzo Ulugʻbek tuman AKM mutaxassislari tomonidan “Yosh kitobxon” klubi a’zolari bilan birgalikda Oʻzbekiston Aloqa tarixi muzeyiga “Telegrafdan 5G gacha” nomli ma’rifiy ekskursiya tashkil qilindi.✨️Ekskursiya davomida klub a’zolari “Rivojlanish daraxti” shaklida tasvirlangan aloqa taraqqiyoti tarixi bilan tanishdilar. Ushbu kompozitsiyada sohaning barcha bosqichlari aks ettirilgan bo‘lib, axborotni choparlar orqali yetkazish, kabutar pochtasi, olov va tutun orqali signal berishdan boshlab, pochta aloqasining dastlabki davri — telefon, telegraf, radio, televideniye hamda bugungi kunga kelib elektron pochta, internet, mobil aloqa va interaktiv televideniyagacha bo‘lgan rivojlanish jarayonlari yoritib berildi.
✨️Ekskursiya davomida “Yosh kitobxon” klubi a’zolari oʻzlarini qiziqtirgan savollarga javob olishdi.
19/01/2026 - 17:19
Joriy yilning 19-yanvar kuni Mirzo Ulugʻbek tuman axborot-kutubxona markazida “Ayollar huquqlari taraqqiyot asosi: ayollar tadbirkorligini qoʻllab-quvvatlash” mavzusida davra suhbati tashkil etildi. Tadbirni Toshkent davlat yuridik universitetining “Davlat va huquq nazariyasi” kafedrasi katta oʻqituvchisi D.U. Sufiyeva olib bordi.Davra suhbati davomida ayollar huquqlarini ta’minlash, ularning jamiyat va iqtisodiyotdagi faolligini oshirish, xususan, ayollar tadbirkorligini qoʻllab-quvvatlashga qaratilgan islohotlar va huquqiy mexanizmlar haqida atroflicha ma’lumotlar berildi. Ishtirokchilar oʻzlarini qiziqtirgan savollarga batafsil
javoblar oldila
.
Tadbirda kutubxona mutaxassislari ham faol ishtirok etib, mavzu yuzasidan fikr-mulohazalar bildirdilar. Mazkur davra suhbati ayollar huquqiy ongi va tadbirkorlik salohiyatini oshirishda muhim ahamiyat kasb etdi.
14/01/2026 - 16:12
Joriy yilning 14-yanvar kuni Mirzo Ulugʻbek tuman axborot-kutubxona markazi mutaxassislari 18-umumta’lim maktabida boʻlib, “Vatan himoyachilari doimo e’zozda” nomli ma’naviy-ma’rifiy tadbir oʻtkazdilar.Tadbirda Vatan himoyachilarining jasorati, fidoyiligi va mardligi haqida soʻz yuritilib, yosh avlod qalbida vatanparvarlik tuygʻularini mustahkamlashga alohida e’tibor qaratildi. Mutaxassislar tomonidan mavzuga oid taqdimot, kitoblar koʻrgazmasi va kitoblar koʻrgazmasining bibliografik sharhi oʻtkazilib, oʻquvchilarga harbiy-vatanparvarlik ruhidagi adabiyotlar tanishtirildi.
Tadbir jarayonida oʻquvchilar faol ishtirok etib, Vatanga sadoqat, tinchlikni asrash va uni himoya qilish barchaning muqaddas burchi ekanligi haqida muhim tushunchalarga ega boʻldilar.
Tadbir soʻngida oʻquvchilar viktorina savollariga chaqqon va faollik bilan javob berib esdalik sovgʻalariga ega boʻldilar.
12/01/2026 - 12:16
Joriy yilning 12-yanvar kuni Mirzo Ulugʻbek tuman axborot-kutubxona markazi mutaxassislari tomonidan “Kitobxonlik oiladan boshlanadi: Kitobxon ona – kitobxon bola” mavzusida tashkil etilgan kitob koʻrgazmasi va bibliografik sharh kitobxonlarda katta qiziqish uygʻotdi.Mazkur koʻrgazmada oila muhitida kitobxonlik madaniyatini shakllantirish, ayniqsa onaning farzand tarbiyasidagi oʻrni va kitobga boʻlgan mehrini bolaga singdirish gʻoyasi keng yoritildi. Koʻrgazmada bolalar tarbiyasi, oilaviy mutolaa madaniyatiga oid kitoblar namoyish etildi.
Bibliografik sharh jarayonida mutaxassislar tomonidan kitoblarning mazmun-mohiyati, ularning yosh avlod tarbiyasidagi ahamiyati haqida batafsil maʼlumotlar berildi.
Ushbu koʻrgazma oilaviy kitobxonlikni targʻib etish, onalar va bolalarda kitobga boʻlgan muhabbatni yanada oshirishga xizmat qildi.
09/01/2026 - 12:23
Joriy yilning 9-yanvar kuni Mirzo Ulugʻbek tuman axborot-kutubxona markazi mutaxassislari tomonidan mashhur nemis adiblari — Aka-uka Grimmlar hayoti va ijodiga bagʻishlangan kitob koʻrgazmasi tashkil etildi hamda bibliografik sharh oʻtkazildi.
Koʻrgazmada Aka-uka Grimmlarning mashhur ertaklari, ularning hayoti va ijod yoʻliga oid adabiyotlar, shuningdek, xalq ogʻzaki ijodini toʻplash va asrab-avaylashdagi beqiyos hissasini yorituvchi manbalar namoyish etildi. Bibliografik sharh jarayonida ishtirokchilarga Grimmlar ertaklarining tarbiyaviy ahamiyati, bolalar adabiyotidagi oʻrni hamda ularning jahon adabiyotiga qoʻshgan hissasi haqida batafsil maʼlumot berildi.
Mazkur kitob koʻrgazmasi kitobxonlarda badiiy adabiyotga boʻlgan qiziqishni oshirish, bolalar va yoshlar ongida ezgulik, halollik va jasorat kabi fazilatlarni mustahkamlashga xizmat qildi.
08/01/2026 - 15:28
Joriy yilning 8-yanvar kuni Mirzo Ulugʻbek tuman axborot-kutubxona markazi mutaxassislari tomonidan taniqli yozuvchi, adabiyotshunos va jamoat arbobi Xurshid Doʻstmuhammad tavalludining 75 yilligi munosabati bilan “75 yillik ijodiy yoʻl: soʻz va tafakkur uygʻunligi” nomli kitob koʻrgazmasi tashkil etildi.Mazkur ko‘rgazmada adibning sermazmun badiiy asarlari, tarjima ishlari hamda uning hayoti va ijodiga bag‘ishlangan ilmiy-adabiy manbalar namoyish etildi.
Ko‘rgazmaning asosiy maqsadi — yosh avlodni milliy adabiyotimizning yetuk namoyandalaridan biri bo‘lgan Xurshid Doʻstmuhammad ijodi bilan tanishtirish, mutolaa madaniyatini rivojlantirish hamda adabiyotga bo‘lgan qiziqishni oshirishdan iborat.
Ushbu kitob koʻrgazmasiga qiziqgan barcha kitobxon va foydalanuvchilarni Mirzo Ulugʻbek tuman axborot-kutubxona markazida kutib qolamiz!
08/01/2026 - 12:35
S. Ya. Marshak tavalludiga bagʻishlangan - “Mult-kaleydoskop”
Joriy yilning 8-yanvar kuni Mirzo Ulugʻbek tuman axborot-kutubxona markazining qoʻshimcha taʼlim markazida mashhur bolalar yozuvchisi Samuil Yakovlevich Marshakning tavallud kuniga bagʻishlangan maʼrifiy-maʼnaviy tadbir boʻlib oʻtdi.
Yosh ishtirokchilar uchun yozuvchi asari asosida yaratilgan multfilmlar namoyish etilgan. Shuningdek kitoblar koʻrgazmasi, hamda S. Ya. Marshakning hayoti va ijodiga bagʻishlangan suhbat oʻtkazildi.
Tadbir davomida bolalar yozuvchining hayot yoʻli haqidagi qiziqarli maʼlumotlar bilan tanishib, uning adabiy merosi haqida bilim oldilar va sevimli asarlari yuzasidan fikr almashdilar.
Tadbir iliq va qiziqarli muhitda oʻtib, bolalarda kitobxonlikka, klassik bolalar adabiyotiga boʻlgan qiziqishni yanada oshirishga xizmat qildi.
__________________________________________________________
«Мульт-калейдоскоп» ко дню рождения С. Я. Маршака
В Информационно-библиотечном центре Мирзо-Улугбекского района, в центре дополнительного образования, состоялось образовательно-просветительское мероприятие, посвящённое дню рождения выдающегося детского писателя Самуила Яковлевича Маршака.
Для юных участников был организован мульт-калейдоскоп — показ мультфильмов по произведениям автора, а также организована книжная выставка и проведена познавательная беседа о жизни и творчестве С. Я. Маршака. Ребята узнали интересные факты из биографии писателя, познакомились с его литературным наследием и обсудили любимые произведения.
Мероприятие прошло в тёплой и увлекательной атмосфере, способствуя развитию интереса к чтению и классической детской литературе.
08/01/2026 - 11:28
S. Ya. Marshak tavalludiga bagʻishlangan - “Mult-kaleydoskop” Joriy yilning 8-yanvar kuni Mirzo Ulugʻbek tuman axborot-kutubxona markazining qoʻshimcha taʼlim markazida mashhur bolalar yozuvchisi Samuil Yakovlevich Marshakning tavallud kuniga bagʻishlangan maʼrifiy-maʼnaviy tadbir boʻlib oʻtdi.
Yosh ishtirokchilar uchun yozuvchi asari asosida yaratilgan multfilmlar namoyish etilgan. Shuningdek kitoblar koʻrgazmasi, hamda S. Ya. Marshakning hayoti va ijodiga bagʻishlangan suhbat oʻtkazildi.
Tadbir davomida bolalar yozuvchining hayot yoʻli haqidagi qiziqarli maʼlumotlar bilan tanishib, uning adabiy merosi haqida bilim oldilar va sevimli asarlari yuzasidan fikr almashdilar.
Tadbir iliq va qiziqarli muhitda oʻtib, bolalarda kitobxonlikka, klassik bolalar adabiyotiga boʻlgan qiziqishni yanada oshirishga xizmat qildi.
07/01/2026 - 12:28
Joriy yilning 7-yanvar kuni Mirzo Ulug‘bek tuman axborot-kutubxona markazida “Tanishing – yangi adabiyotlar” nomli yangi kitob ko‘rgazmasi tashkil etildi. Namoyish etilgan adabiyotlar orasida o‘zbek va jahon adabiyoti durdonalari, tilshunoslik va lug‘atshunoslikka oid nashrlar, falsafa, tarix, axloq va zamonaviy psixologik asarlar, shuningdek, yoshlar va keng kitobxonlar uchun mo‘ljallangan badiiy kitoblar mavjud.
Ushbu ko‘rgazma kitobxonlarning bilim doirasini kengaytirish, mustaqil fikrlashni rivojlantirish, mutolaa madaniyatini yuksaltirishga xizmat qiladi. Yangi adabiyotlar bilan tanishish esa kitobsevarlarda ilmga bo‘lgan qiziqishni oshirib, ma’naviy dunyoqarashni boyitadi.
Yangi bilim va ilhom izlayotgan barcha kitobsevarlarni Mirzo Ulug‘bek tuman axborot-kutubxona markaziga tashrif buyurishga chorlab qolamiz!
Pages
