o‘z
RU
DE 15/01/2025 - 16:42
2025-yil 15-yanvar kuni Mirzo Ulug`bek tuman axborot-kutubxona markazi O`zbekiston Respublikasi Vazirlar Mahkamasi huzuridagi Qatag`on qurbonlari xotirasi davlat muzeyi bilan o`zaro hamkorlik memorandumini imzoladi. Tadbirda tomonlar, ayniqsa, madaniy merosni saqlash, ilmiy-tadqiqot ishlarini qo'llab-quvvatlash va ushbu loyihalarni yoshlarga targ`ib qilishga oid bir qator ijodiy tashabbuslarni amalga oshirish masalalarini muhokama qildilar. Ushbu loyihalar, bir tomondan, milliy madaniyat va tarixni yanada kengroq targ'ib qilish, ikkinchi tomondan, qatag'on qurbonlari xotirasini abadiylashtirish, va ularni yosh avlodga etkazib berishga oid bir qator yangi tashabbuslar va loyihalarni amalga oshirilishiga yo'naltirildi. 15/01/2025 - 15:39
Mirzo Ulug`bek tuman axborot-kutubxona markazi mutaxassislari 2025-yil 15-yanvar kuni O`zbekiston Respublikasi Vazirlar Mahkamasi huzuridagi Qatag`on qurbonlari xotirasi davlat muzeyida bo`lib o`tgan O`zbekiston Respublikasi Vazirlar Mahkamasi huzuridagi Qatag`on qurbonlari xotirasi davlat muzeyi, “ Shahidlar xotirasi” jamoat fondi va O`zbekiston Respublikasi Kambag`allikni qisqartirish va bandlik vazirligi hamkorligida chop etilgan, professor B.V. Hasanovning “XX asr boshlarida Turkiston va milliy ziyolilar” nomli kitob taqdimotida ishtirok etdilar. Kitob taqdimotida professor B.V. Hasanov Turkistonning XX asr boshlaridagi tarixiy jarayonlar, milliy ziyolilarni shakllantirgan siyosiy, ijtimoiy va madaniy omillar haqida so`zlab berdilar.Jumladan, Turkistonning o`sha davrdagi ijtimoiy-siyosiy hayoti, milliy uyg`onish harakatlari, shu bilan birga, Turkiston ziyolilarining roli va o`z vaqtida yuzaga kelgan muammolarni chuqur yoritib, O`zbekistonning mustaqillik yo`lidagi tarixiy bosqichlari, milliy ziyolilar va ularning qat'iyatli kurashlari haqida so`z yuritdilar.
14/01/2025 - 12:37
O'zbekiston Respublikasi Oliy Kengashining qarori bilan 1992-yil 14-yanvar kuni O‘zbekiston Respublikasi Kurolli Kuchlari tashkil etildi, 1993-yil 29-dekabr kuni esa «14-yanvar – Vatan himoyachilari kuni» deb belgilandi.Shu munosabat bilan 2025-yil 14-yanvar kuni Mirzo Ulug`bek tuman axborot-kutubxona markazida O`zbekiston Respublikasi Qurolli Kuchlari tashkil etilganining 33 yilligi hamda “14-yanvar – Vatan himoyachilari kuni” munosabati bilan “O‘zbekiston – mening mustaqil Vatanim, Milliy armiyam – sharafiм” shiori ostida kitob ko`rgazmasi tashkil etildi.
Ko‘rgazmada O‘zbekistonning Qurolli Kuchlari, uning tarixi, tarkibiy qismlari, tayyorgarlik jarayonlari, tarixiy yutuqlari va bugungi kunidagi harbiy muvaffaqiyatlari haqida batafsil ma’lumot beruvchi asarlar namoyish etildi. Kitoblar orasida o‘zbek xalqining yurtni himoya qilishdagi tarixiy qahramonlari, milliy armiyaning shakllanishi, harbiy strategiyalar va Vatanparvarlik mavzularidagi adabiyotlar alohida o‘rin olgan.
13/01/2025 - 10:34
Mirzo Ulug`bek tuman axborot-kutubxona markazida 2025-yil 10-yanvar kuni nemis tilshunoslari va nemis xalq madaniyati tadqiqotchilari, butun dunyoga mashhur ertak yozuvchilari “Aka-uka Grimmlar” (Yakob, 1785 yil 4 yanvar - 1863 yil 20 sentyabr va Vilgelm, 1786 yil 24 fevral - 1859 yil 16 dekabr) hayoti va ijodiga bag`ishlangan kitob ko`rgazmasi va tadbir o`tkazildi. Tadbirda aka-uka Grimmlarning ertaklari, ularning ilmiy faoliyati va madaniy merosi haqida batafsil ma'lumotlar berildi.Shuningdek, tadbir doirasida kitob ko`rgazmasi tashkil etildi, unda Grimmlarning mashhur ertaklari, xalq hikoyalari va ilmiy izlanishlari haqida ko`plab asarlar namoyish etildi. Kitobxonlar aka-uka Grimmlarning ertaklarini faqat bolalar adabiyoti sifatida emas, balki ular orqali insoniyatning qadimiy qadriyatlari va ma'naviy dunyosini chuqurroq anglash mumkinligini ta'kidlashdi. Shu bilan birga, tadbirda kitobxonlar uchun, aka-uka Grimmlarning ertaklari va ularning o`rganilishi bilan bog`liq turli interaktiv faoliyatlar ham tashkil etildi. Bu esa kitobxonlarga aka-uka Grimmlar merosini yanada chuqurroq o`rganish va unga qiziqishlarini yanada oshirish imkonini berdi.
08/01/2025 - 10:32
O‘zbekiston Respublikasi Prezidentining farmoniga ko‘ra, 2025-yil "Atrof-muhitni muhofaza qilish va yashil iqtisodiyot yili" deb e'lon qilindi. Shu munosabat bilan 2025-yil 8-yanvar kuni Mirzo Ulug‘bek tuman axborot-kutubxona markazida ushbu mavzuga bag‘ishlangan kitob ko‘rgazmasi tashkil etildi.Ko`rgazmada ekologik muammolarni hal qilishda ilmiy yondashuvlar, qayta tiklanadigan energiya manbalari, energiya samaradorligi va yashil iqtisodiyotning iqtisodiy, ijtimoiy va ekologik foydalari haqida ma'lumotlar joy olgan. Kitobxonlar o`rtasida ekologik ongni oshirish va jamoatchilikni bu borada faol ishtirok etishga chaqirish maqsadida turli mavzularda suhbatlar o‘tkazildi. Ko‘rgazmada atrof-muhitni himoya qilish, yashil iqtisodiyot, ekologiya va barqaror rivojlanish bo‘yicha ko‘plab kitoblar va adabiyotlar namoyish etildi. Ushbu ko‘rgazma orqali kitonxonlar ekologik muammolarni hal qilishning ilmiy va amaliy jihatlari bilan tanishishlari mumkin.
28/12/2024 - 10:30
Mirzo Ulug`bek tuman axborot-kutubxona markazida 2024-yil 27-dekabr kuni “O‘zbekistonning Tarixiy Merosi: Kitoblar Sahifalarida" nomli yangi kitoblar ko`rgazmasi va ushbu mavzuga oid “Zamondosh” klubi a`zolari o`rtasida davra suhbati bo`lib o`tdi. Ko‘rgazma davomida kitobxonlarga O‘zbekistonning boy o`tmish tarixi va madaniy merosi haqida ma’lumot beruvchi yangi nashrlar taqdim etildi. Kitoblar sahifalarida O‘zbekistonning qadimiy va zamonaviy tarixidan hikoyalar, o`tmish voqealari, arxeologik yodgorliklar va davlatning ijtimoiy-iqtisodiy taraqqiyoti haqida yozilgan asarlar namoyish etildi.Davra suhbatida “Zamondosh” klubi a’zolari O‘zbekistonning tarixiy va madaniy merosi, uning bugungi kunda qanday saqlanib qolishi, shuningdek, kelajak avlodlarga qanday yetkazilishi haqida fikr almashdilar. Tadbirda ishtirokchilar o‘zaro tajriba va bilimlarini bo‘lishib, O‘zbekistonning tarixiy sahifalarini o`rganish, yurtimiz kelajagini yanada porloq qilish uchun o`tmish tarixidan yahshi dars olib, xulosa chiqarish va rivojlantirish bo‘yicha yangi g‘oyalar bilan o‘rtoqlashdilar.
24/12/2024 - 10:05
2024-yil 23-dekabr kuni Mirzo Ulug`bek tuman axborot-kutubxona markazida mavzusida kitob ko`rgazmasi va tadbir tashkil etildi. Ushbu tadbir O‘zbekistonning adabiy merosini va ayol yozuvchilarning o‘zbek adabiyotidagi o‘rnini yoritishga bag`ishlanib, o‘zbek adabiyotida ayol yozuvchilarning qo‘lyozmalarini, ularning ijodiy faoliyatini va adabiyotga qo‘shgan hissasini o`sib kelayotgan yosh avlodga taqdim etdi. Kitobxonlar o‘zbek adabiyotida ayol yozuvchilarning o‘rni va ulardan ba’zilari haqida ma'ruzalar, muhokamalar va hujjatli materiallar bilan tanishtirildi. Shu jumladan, tadbirda o‘zbek adabiyotida o‘z izini qoldirgan ayol yozuvchilar, xususan, Uvaysiy, Nodirabegim, Zulfiya va shu kabi ijodkorlarning asarlaridan nusxalar taqdim etildi. Kitob ko`rgazmasiga sharh berildi. 20/12/2024 - 10:03
2024-yil 19-dekabr kuni Mirzo Ulug`bek tuman axborot-kutubxona markazida shoir, tarixchi va tarjimon “Ogahiy (Muhammad Rizo Erniyozbek o‘g‘li) tavalludining 215 yilligi” munosabati bilan kitob ko`rgazmasi va tadbir tashkil etildi. Bu tadbirda Ogahiyning adabiy merosi, uning ilmiy va madaniy sohalardagi hissasi haqida so‘z yuritildi. Tadbir davomida uning asarlari va faoliyatiga bag‘ishlangan kitoblar namoyish etildi, hamda ishtirokchilarga Ogahiyning hayoti va ijodi haqida ma'lumotlar berildi. Shuningdek, Ogahiy asarlarining zamonaviy o‘quvchilar uchun ahamiyati ham muhokama qilindi. Adabiyotshunoslikni rivojlantirish, shoirning merosini yangi avlodga tanishtirish va ilm-fan sohasida uning yuksak o‘rni haqida xabardorlikni oshirishda ushbu tadbirning o`rni muhim ahamiyatga ega ekanligi ta`kidlab o`tildi .
19/12/2024 - 10:00
2024-yil 18-dekabr kuni Mirzo Ulug'bek tuman axborot-kutubxona markazi mutaxassislari va klub a'zolari, yosh kitobxonlar bilan birgalikda tashrif buyurishdi.Ushbu uchrashuv davomida, O'zbekiston Davlat ilmiy tibbiyot kutubxonasining faoliyati haqida batafsil ma'lumot berildi, kitobxonlar kutubxona faoliyati bilan tanishib, ilmiy va tibbiy adabiyotlar haqida ma'lumot oldilar, kutubxonada mavjud resurslar va ilmiy ishlar haqida bahs-munozaralar o'tkazdilar.
Shuningdek, tadbirda Toshkentda ishlagan taniqli jarroh haqida ham so'zlab berildi. Uning kasbiy yutuqlari va tibbiyot sohasidagi katta hissasi haqida ma'lumotlar taqdim etildi.
Ushbu uchrashuv o'quvchilar uchun o'z kelajaklarini belgilashda, tibbiyot sohasida ishlashga qiziqish uyg'otishda juda muhim turtki bo`ldi.
19/12/2024 - 09:56
Mirzo Ulug'bek tuman axborot-kutubxona markazi barcha kitobsevarlarni 2024-yil 18-dekabr kuni tashkil etilgan “Yangi kitoblar bilan tanishing” mavzusidagi kitoblar ko‘rgazmasiga taklif etadi. Sizni yangi, qiziqarli va foydali kitoblar bilan tanishishga chaqiramiz!Ko'rgazma doirasida ilmiy, badiiy va adabiy mumtoz asarlar, shuningdek, yoshlar uchun mo'ljallangan kitoblar namoyish etilgan. Ushbu kitoblar sizni o`zingizni yangi dunyolar bilan tanishtirishga yordam beradi. Bu ajoyib imkoniyatdan foydalanib, yangi kitoblarni o‘qish va o‘zingizga kerakli asarlarni topish uchun kutubxonamizga tashrif buyuring.
Pages
