o‘z
RU
DE 18/11/2024 - 11:15
Mirzo Ulug'bek tuman axborot-kutubxona markazida 2024-yil 18-noyabr kuni “Bayrog'imiz bizning faxrimiz. 18-noyabr – O'zbekiston Respublikasi davlat bayrog'i qabul qilingan kun” munosabati bilan kitob ko'rgazmasi va tadbir o'tkazildi.
Ko‘rgazma doirasida O‘zbekiston bayrog‘ining ramziy mazmuni, tarixi, uning yaratilish jarayoni haqida kitoblar, tarixiy materiallar, foto-suratlar va boshqa hujjatlar namoyish etildi. Kitoblar orqali ishtirokchilarga davlat bayrog‘i qabul qilingan kunga bag‘ishlangan ma'ruzalar, bayroqning tarixiy ahamiyati haqida qisqacha tushunchalar berildi. Shuningdek, O‘zbekistonning mustaqillik davridagi yutuqlari haqida ma'lumotlar taqdim etildi.
Bu kabi tadbirlar, yoshlarni vatanparvarlik ruhida tarbiyalash va davlat ramzlariga nisbatan hurmatni oshirishga qaratilgan bo'lib, mamlakatning tarixiy va madaniy merosini chuqurroq tushunishga hissa qo'shishi ta'kidlab o`tildi.
18/11/2024 - 11:08
2024-yil 15-noyabr kuni Mirzo Ulug'bek tuman axborot-kutubxona markazida “16 noyabr – Xalqaro bag'rikenglik kuni” munosabati bilan taqdimot o'tkazildi.
Ushbu tadbirda bag'rikenglik va tinchlikni saqlash, turli madaniyatlar o'rtasidagi muloqotni rivojlantirish, bir-birini o'zaro tushunish, ijtimoiy adolat va tenglikni qo'llab-quvvatlash masalalari haqida fikr yuritildi.
Ishtirokchilar bag'rikenglikning ahamiyatini, jamoalararo aloqalarni mustahkamlash, va har bir insonning huquqlarini hurmat qilish zarurligini ta'kidlab o'tishdi. Shu bilan birga, tadbirda dunyo bo'ylab bag'rikenglikni qo'llab-quvvatlashga qaratilgan turli ijtimoiy va madaniy tashabbuslar haqida ma'lumot berildi.
Kitob ko'rgazmasining bibliografik sharhi o'tkazildi.
18/11/2024 - 11:07
Mirzo Ulug'bek tuman axborot-kutubxona markazi mutaxassislari 2024-yil 14-noyabr kuni O'zEkspomarkazda bo'lib o'tgan “Innoweek – 2024” doirasida “Nufuzli xalqaro ilmiy ma'lumotlar bazalaridan foydalanish va kutubxonalarning raqamli transformatsiya darajasini oshirish” mavzusidagi xalqaro seminarda ishtirok etishdi.Seminarda global miqyosda kutubxonalarda qo'llanilayotgan innovatsion texnologiyalar, raqamli resurslar, ma'lumotlarni boshqarish tizimlari, sun'iy intellekt, va boshqa ilg'or texnologiyalar haqida ma'lumotlar namoyish etildi.
Kutubxonalar uchun yangi tendensiyalar, texnologik yutuqlar va raqamli transformatsiyani qanday qo'llash kerakligi haqida taqdimotlar o'tkazildi.
18/11/2024 - 11:05
2024-yil 14-noyabr kuni Mirzo Ulug'bek tuman axborot-kutubxona markazida “Siz qonunni bilasizmi?” shiori ostida “20 noyabr - BMT Bosh Assambleyasi tomonidan qabul qilingan Bola huquqlari to'g'risidagi konventsiya qabul qilingan kun (1989)” munosabati bilan kitob ko'rgazmasi o'tkazildi.
Ko‘rgazmada bolalar huquqlari to‘g‘risidagi konventsiya haqida kitobxonlarga ma'lumot berildi, shuningdek, bolalar huquqlarini himoya qilishning ahamiyati muhimliligi tushuntirildi va bolalar huquqlariga oid kitoblar, ilmiy ishlar, illyustratsiyalar, shuningdek, BMT va boshqa xalqaro tashkilotlarning materiallari namoyish qilindi. Kitobxonlar o'rtasida ushbu mavzuda viktorina o`tkazildi.
12/11/2024 - 11:03
2024-yil 12-noyabr kuni Mirzo Ulugbek tuman axborot-kutubxona markazida “10 noyabr – Butunjahon yoshlar kuni” munosabati bilan taqdimot o`tkazildi. Ushbu tadbirni o`tkazishdan asosiy maqsad yoshlarni qo`llab-quvvatlash, ularning imkoniyatlarini rivojlantirish va yoshlarning dunyo bo`ylab ijtimoiy, iqtisodiy va siyosiy jarayonlarda faol ishtirokini oshirib, ularni ijtimoiy mas`uliyatli fuqarolar sifatida tarbiyalash ekanligi ta`kidlab o`tildi.
Taqdimotda yoshlar o‘z fikr va mulohazalarini bildirib, butunjahon miqyosida o‘zgarishlar qilishda ularga qanday yordam berilishi haqida so‘z yuritildi. Shuningdek, taqdimot davomida yoshlar o‘z orzulari, kelajakdagi rejalari va bugungi kunning muhim masalalari haqida o‘rtoqlashishdi.
08/11/2024 - 11:02
Mirzo Ulug'bek tuman axborot-kutubxona markazida 2024-yil 8-noyabr kuni “7 noyabr – shoir, faylasuf, naqshbandiylikning atoqli namoyondasi Abdurahmon Jomiy (Nuriddin Abdurahmon ibn Ahmad Jomiy, 1414-1492) tavalludining 610 yillligi” munosabati bilan tadbir o'tkazildi.
Tadbirda Jomiyning she'riyatiga, falsafiy qarashlariga va Naqshbandiylik tariqatidagi o'rniga bag`ishlangan adabiyotlar, ilmiy-nazariy izlanishlar taqdim etildi. Shuningdek, Jomiyning hayoti va ijodi, uning nafaqat shoirlik, balki tasavvufiy bilimlari va axloqiy tafakkuridagi o'rni haqida so'z yuritildi. Jomiyning "Guliston" va "Bustan" kabi asarlari, uning tafakkurining naqshbandiylik tariqatining ta'limotlari bilan qanday bog'liqligi, tasavvuf va falsafaning adabiyotga qo'shgan hissasi haqida ham alohida bahs yuritildi.
06/11/2024 - 09:45
2024-yil 5-noyabr kuni Mirzo Ulug'bek tuman axborot-kutubxona markazida Mirzo Ulug'bek AKM mutaxassislari va “Danko” adabiy-ijodiy birlashmasi bilan hamkorlikda O'zbekiston Respublikasi Xalq shoiri Aleksandr Arkad'evich Faynberg (1939-2009) tavalludining 85 yilligiga bag'ishlangan adabiy kecha bo'lib o'tdi.
Adabiy kechada “Danko” adabiy-ijodiy birlashmasi a'zolari juda faol ishtirok etishdi va shoirning asarlaridan namunalar keltirib, she'rxonlik o'tkazishdi. Shu jumladan, kechada shoirning adabiyotdagi o'rni, ijodi va uning zamonaviy adabiyotga ta'siri muhokama qilindi. Faynbergning asarlari, uning yozuvchilik uslubi va qarashlari haqida ham gapirib o'tildi.
Tadbir ishtirokchilari shoir bilan shaxsan yuzma-yuz kelganliklari haqida va u bilan bo'lib o'tgan qiziqarli voqea-hodisa va ma'lumotlar bilan bo`lishishdi.
30/10/2024 - 09:43
Joriy yilning 29 oktyabr kuni Mirzo Ulug'bek tuman axborot-kutubxona markazida "Yangi O'zbekiston kutubxonadan boshlanadi" nomli kutubxona darsi bo'lib o'tdi.Usbu tadbirda tumandagi 50-maktab o'quvchilari, maktab kutubxonachisi Maksim Borisovich, o'qituvchilar va ota-onalar faol qatnashdilar.
Mutaxassislar tadbir ishtirokchilariga axborot-kutubxona haqida ma'lumot berbilar va kutubxona bo'ylab ekskursiya o'tkazdilar.
Tadbir davomida o'quvchilar mutaxassislar tomonidan tayyorlangan qiziqarli viktorina savollariga topqirlik bilan javob berdilar.
Tadbirda faol qatnashgan o'quvchilar kitob bilan taqdirlandi.
26/10/2024 - 09:42
2024-yil 25-oktyabr kuni Mirzo Ulug'bek tuman axborot-kutubxona markazida "INFOLIB O'ZBEKISTON–2024" haftaligi doirasida “Kitobxonlik oiladan boshlanadi: oilaviy kitobxonlik avlodlarni birlashtiradi” loyihasi doirasida mavzusida ko'rgazma va taqdimot o'tkazildi.
Kino bo'lib qayta jonlangan asarlar ko'rgazmasi juda qiziqarli bo'ldi. Ko'rgazmada mashhur kinolarning yaratilishiga asosiy turtki bo'lgan klassik asarlarning taqdimoti o'tkazildi. Unda kitob va kino o'rtasidagi aloqalar muhokama qilindi. Kitobning kinoga qanday ta`sir qilgani, mualliflar, kinoga moslashtirish jarayoni haqida fikrlar bildirildi.
24/10/2024 - 09:26
2024-yil 24-oktyabr kuni Mirzo Ulug'bek tuman axborot-kutubxona markazida "INFOLIB O'ZBEKISTON–2024" haftaligi doirasida “Yangi adabiyotlar” taqdimoti o'tkazildi. AKM mutaxassislari tomonidan “Zamondosh klubi” a'zolari uchun kitoblarga bibliografik sharh berildi. Yangi adabiyotlar bo`yicha qiziqarli kitoblar muhokama qilindi va davra suhbati olib borildi.Pages
