o‘z
RU
DE 02/03/2026 - 16:49
Joriy yilning 2-mart kuni Mirzo Ulug‘bek tuman axborot-kutubxona markazida Oʻzbekiston Davlat san’at va Madaniyat Institutining “Kutubxona axborot faoliyati” fakulteti 4-bosqich talabalari malaka oshirish o‘quv amaliyoti doirasida o‘z faoliyatlarini davom ettirmoqdalar.Amaliyot jarayonida talabalar tomonidan “Tanishing: yangi adabiyotlar” nomli kitob ko‘rgazmasi qayta tashkil etildi. Ko‘rgazmaga kelib tushgan yangi adabiyotlar mazmuniga ko‘ra sohalar bo‘yicha saralanib, tartibli ravishda joylashtirildi.
Jumladan, adabiyotlar badiiy, ilmiy-ommabop, ijtimoiy-siyosiy hamda boshqa yo‘nalishlarga ajratilib, o‘quvchilar uchun qulay va tizimli shaklda taqdim etildi. Bu esa kitobxonlarga kerakli manbani tez va oson topish imkoniyatini yaratadi.
Ko‘rgazma orqali yangi kelgan adabiyotlar bilan yaqindan tanishish, ularning mazmun-mohiyati haqida ma’lumot olish imkoniyati yaratildi.
02/03/2026 - 16:47
2026-yil 2-mart kuni Mirzo Ulugʻbek tuman axborot-kutubxona markazi mutaxassislari tomonidan “Zulfiya – nafosat va sadoqat kuychisi” mavzusida adabiy-badiiy tadbir hamda kitob ko‘rgazmasining bibliografik sharhi o‘tkazildi.Bibliografik sharh davomida o‘zbek adabiyotining yorqin vakili Zulfiya ijodi, uning she’riyatida aks etgan yuksak insoniy fazilatlar – nafosat, sadoqat, vatanparvarlik va ayol qalbining nozik kechinmalari alohida ta’kidlandi. Shoiraning hayoti va ijodi yosh avlod uchun ibrat maktabi ekani haqida fikrlar bildirildi.
Kitob ko‘rgazmasining bibliografik sharhi jarayonida Zulfiya qalamiga mansub asarlar, u haqda yozilgan ilmiy-adabiy manbalar, xotira kitoblari hamda maqolalar yuzasidan batafsil ma’lumotlar berildi. Ishtirokchilar tavsiya etilgan adabiyotlar bilan yaqindan tanishish imkoniyatiga ega bo‘ldilar.
02/03/2026 - 15:22
Joriy yilining 2-mart kuni Oʻzbekiston Davlat jahon tillari universitetida “XXI asrda jahon filologiya fanida innovatsiyalar: natijalar va istiqbollar” mavzusida yoshlar konferensiyasi boʻlib oʻtdi. Mirzo Ulugʻbek tuman AKM mutaxassisi Alimxo‘jayeva Tatyana Sergeyevna konferensiyada ishtirok etdilar va tabrik nutqi soʻzladilar. Oʻzbekiston davlat jahon tillari universiteti rektori Mirzo Ulugʻbek tuman axborot-kutubxona markaziga jahon filologiyasi sohasidagi yoshlar bilan hamkorlikdagi ishlari va universitet talabalarini kitobxonlik madaniyatini shakllantirishga jalb qilgani uchun minnatdorchilik bildirdi.
02/03/2026 - 15:19
Joriy yilning 2-mart kuni “Lashkarbegi” MFY yoshlar bilan ishlash boʻyicha yetakchisi Mirzo Ulugʻbek tuman axborot-kutubxona markaziga tashrif buyurdi.Kutubxona bo‘ylab kichik ekskursiya tashkil etilib, o‘quv zallari, kitob fondi, yoshlar uchun mo‘ljallangan imkoniyatlar bilan yaqindan tanishtirildi. Suhbat davomida yoshlar bilan birga o‘tkaziladigan qiziqarli uchrashuvlar, tadbirlar va loyihalar haqida fikr almashildi.
Kelgusida yana ko‘plab foydali va mazmunli hamkorlik ishlari haqida fikr almashildi.
02/03/2026 - 15:18
Joriy yilning 2-mart kuni Mirzo Ulugʻbek tuman axborot-kutubxona markazi mutaxassislari tomonidan "Ayollarni e'zozlash" oyligiga bagʻishlab, 148-sonli umumta’lim maktabida "Zulfiya-nafosat va sadoqat kuychisi” mavzusida ma’naviy-ma’rifiy tadbir hamda kitob ko‘rgazmasi tashkil etildi.Tadbir davomida Zulfiyaning hayot yo‘li, sermazmun ijodi, o‘zbek adabiyotiga qo‘shgan ulkan hissasi haqida batafsil ma’lumotlar berildi. Shoiraning hayoti va ijodiga bag‘ishlangan videorolik namoyish etildi; unda Zulfiyaning zamonaviy yoshlar hayotiga ta’siri va uning O‘zbekistondagi o‘rni kabi mavzular yoritildi.
Shuningdek, tadbir davomida o‘quvchilarga Zulfiya haqida keng ma’lumot taqdim etildi va uning asarlari bilan tanishish imkoniyati yaratildi.Tadbir so‘ngida viktorina o‘tkazildi.
25/02/2026 - 16:37
Joriy yilning 25-fevral kuni Mirzo Ulug‘bek tuman AKMda Oʻzbekiston Davlat san’at va Madaniyat Institutining “Kutubxona axborot faoliyati” fakulteti 4-bosqich talabalari malaka oshirish o‘quv amaliyoti doirasida, “Fondlarni to‘ldirish va adabiyotlarga ishlov berish” bo‘limida o‘z faoliyatlarini davom ettirmoqdalar.Amaliyot jarayonida talabalar bilan amaliyot rahbari uchrashuv o‘tkazib, ularning faoliyati bilan yaqindan tanishdi hamda zarur tavsiya va ko‘rsatmalar berdi.
Bo‘lim mutaxassislari koʻrsatmasi asosida amaliyotchilar kitoblarni tartibga solish, bo‘limlarga ajratish va fonddagi joylashuvini belgilash ishlarini samarali amalga oshirmoqdalar.
24/02/2026 - 16:44
#Ayollrni_ezozlash
#Zamondosh_klubi
2026-yil 24-fevral kuni Mirzo Ulugʻbek tuman axborot-kutubxona markazi mutaxassislari tomonidan "Ayollarni e`zozlash" oyligiga bag`ishlab, uzoq yillar davomida davlat tashkilotlarida fidoyilik bilan mehnat qilgan nuroniy onaxonlar “Zamondosh” klubi a’zolari ishtirokida “Matonat timsollari” mavzusida davra suhbati tashkil etildi.
Davra suhbati davomida klub a’zolari o‘zlarining mehnat faoliyati davomida duch kelgan sinov va qiyinchiliklar, ularni yengib o‘tishdagi sabr-toqat va qat’iyat haqida so‘zlab berdilar. Ular kasbiy burchga sodiqlik, halollik va insoniylik fazilatlari har qanday muvaffaqiyatning asosi ekanini alohida ta’kidladilar. Samimiy muloqot tarzida o‘tgan uchrashuv savol-javoblarga boy bo‘lib, ishtirokchilar o‘zlarini qiziqtirgan masalalar yuzasidan batafsil ma’lumot oldilar.
Tadbir davomida matonat va jasorat timsoliga aylangan insonlarning ibratli hayot yo‘llari, jamiyat rivojiga qo‘shgan hissasi e’tirof etildi. Uchrashuv barchaga kuch-g‘ayrat va ilhom bag‘ishladi. Davra suhbati so`ngida ishtirokchilar ashula va she`riyat bilan tadbirni ko`tarinki ruhda yakunladilar.
23/02/2026 - 16:42
Joriy yilning 23-fevral kuni Mirzo Ulug‘bek tuman AKMda Oʻzbekiston Davlat san’at va Madaniyat Institutining “Kutubxona axborot faoliyati” fakulteti 4-bosqich talabalari malaka oshirish o‘quv amaliyoti doirasida, “Aboniment va foydalanuvchilarga xizmat koʻrsatish” bo‘limi bilan yaqindan tanishdilar.Bo‘lim mutaxassislari koʻrsatmasi asosida amaliyotchilarga bo‘lim ish jarayoni, kitobxonlarga xizmat ko‘rsatish tartibi va asosiy vazifalari o‘rgatildi.
23/02/2026 - 16:31
Joriy yilning 23-fevral kuni Mirzo Ulug‘bek tuman AKM mutaxassislari tomonidan “Jadidlar – millatga nur sochganlar” nomli kitob ko‘rgazmasi tashkil etildi. Mazkur ko‘rgazma jadid ma’rifatparvarlarining boy ilmiy va adabiy merosini keng kitobxonlar ommasiga targ‘ib qilishga qaratildi.Ko‘rgazma jadidchilik harakatining yirik namoyandalari – Mahmudxo‘ja Behbudiy, Abdulla Avloniy, Munavvarqori Abdurashidxonov, Abdurauf Fitrat, Cho‘lpon kabi fidoyi ziyolilarning asarlari hamda ular haqidagi adabiyotlar o‘rin olgan. Ularning ma’rifat, ta’lim-tarbiya, milliy uyg‘onish va taraqqiyot yo‘lidagi xizmatlari aks etgan manbalar havola qildi.
Ushbu kitob ko‘rgazmasi ma’naviy merosimizni keng targ‘ib etish hamda yosh avlod qalbida vatanparvarlik va ma’rifatparvarlik tuyg‘ularini mustahkamlashga xizmat qiladi.
20/02/2026 - 15:56
Joriy yilning 20-fevral kuni Mirzo Ulug‘bek tuman AKMda Oʻzbekiston Davlat san’at va Madaniyat Institutining “Kutubxona axborot faoliyati” fakulteti 4-bosqich talabalari malaka oshirish o‘quv amaliyoti doirasida, “Fondlarni to‘ldirish va adabiyotlarga ishlov berish” bo‘limida ishlarini davom ettirmoqdalar.Bo‘lim mutaxassislari koʻrsatmasi asosida amaliyotchilar kitoblarni tartibga solish, bo‘limlarga taqsimlash va fonddagi joyini belgilash ishlarini bajarishdi.
Pages
