o‘z
RU
DE 20/08/2024 - 09:20
2024 yil 21 avgust kuni Mirzo Ulug‘bek tuman axborot-kutubxona markazida "Kitobxon ona - kitobxon bola” dasturi doirasida kitob ko‘rgazmasi tashkil qilindi va bibliografik sharh o'tkazildi.
Ko‘rgazmada oilaviy o'qish uchun kitoblar: ertaklar, sarguzashtlar, bolalar uchun o‘quv adabiyotlari hamda bolalar va ularning ota-onalari uchun foydali bo'lgan adabiyotlar joy olgan.
08/08/2024 - 10:57
2024 yil 8 avgust kuni Mirzo Ulug'bek tuman axborot-kutubxona markazi mutaxassislari Toshkent shahridagi “Barkamol avlod” bolalar maktabiga “Moviy jomadon tashrifi” nomli sayyor tadbir tashkil etdilar. AKM mutaxassislari tomonidan “Ta'tilda oqishni tavsiya qilamiz” kitob ko'rgazmasining bibliografik sharhi o‘tkazildi, shuningdek, katta yoshdagi kitobxonlarga yangi adabiyotlar bo'yicha ma’lumotlar berildi.
07/08/2024 - 10:54
Mirzo Ulug'bek tuman axborot-kutubxona markazi kitob fondiga "ARD,Inc." vakolatxonasi (AQSH) tomonidan 8 nomda jami 18 dona huquqiy adabiyotlar sovg'a tariqasida taqdim etildi. 05/08/2024 - 10:52
Joriy yilning 1 avgust kuni Mirzo Ulug'bek tuman axborot-kutubxona markazi mutaxassislari tomonidan “Barkamol avlod” bolalar maktabida ko'chma kutubxona tashkil etildi. Bolalar va ularning ota-onalari mutaxassislar taqdim etgan kitoblarni katta qiziqish bilan tomosha qildilar va axborot-kutubxonaga a'zo bo'ldilar. A'zo bo'lish orqali o'zlariga ma'qul bo'lgan adabiyotlarni tanlab, o'qish uchun oldilar. Taqdimotdagi kitoblar: dunyo xalqlarining ertaklari, maktab o'quv dasturi uchun adabiyotlar, bolalar ensiklopediyalari va albatta badiiy adabiyotlardan tashkil topgan.
Tadbirdan ko‘zlangan maqsad kitob va kitobxonlikka bo'lgan e'tiborni kuchaytirish. Yoshlar va bolajonlarni yozgi ta’tilda o'z vaqtlarini besamar o'tkazmay, bilim olishlari uchun o'tkazildi.
01/08/2024 - 10:45
Mirzo Ulug'bek tuman axborot-kutubxona markazi joriy yilning 1 avgust kuni Toshkent shahar Ma'naviyat va marifat bo'limi Mirzo Ulug'bek tuman bo'linmasi bilan hamkorlikda: “Kuchlarni birlashtiramiz: Yoshlar kelajagi uchun maktab va axborot-kutubxona” nomi ostida: “Yoshlar bilan ishlashning samarali dasturlari. Maktab va kutubxona o'rtasidagi hamkorlik imkoniyatlari” mavzusida Mirzo Ulug'bek tumanidagi maktablarning Ma'naviy-ma'rifiy ishlar boyicha direktor o'rinbosarlari va maktab kutubxonachilari uchun seminar tashkil etildi.Mirzo Ulug'bek tuman axborot-kutubxona markazi mutaxassislarining seminardan ko'zlagan maqsadlari:
Yoshlar, kitobxonlar uchun Mirzo Ulug'bek tuman axborot-kutubxona markazi tomonidan amalga oshirilayotgan loyiha va dasturlar haqida yaqindan tanishtirish;
Kitobxonlikni rivojlantirish va kitobxonlikka jalb qilsh ishlari yuzasidan bajarilayotgan ishlar haqida tanishtirish;
Kitobxonlikni yanada rivojlantirishda hamkorlik asosida bajariladigan dolzarb masalalarni muhokama qilish va tajriba almashish;
Qo'shma strategik harakarlar rejasini ishlab chiqish.
Seminar davomida Toshkent shahar "Bilim" AKM Ilmiy-metodika xizmati rahbari Muhayyo Inoyatova "Kutubxonadagi asosiy qoidalar" nomli taqdimot bilan tadbir ishtirokchilarini tanishtirdi. Tadbir yakunida ishtirokchilar axborot-kutubxona faoliyati bilan yaqindan tanishdilar.
29/07/2024 - 10:43
Toshkent shahridagi “Barkamol avlod” bolalar maktabida Mirzo Ulug‘bek tuman axborot-kutubxona markazi tomonidan “Moviy jomadon tashrifi” nomli sayyor tadbir tashkil etildi. AKM mutaxassislari tomonidan “Ta'tilda o'qishni tavsiya qilamiz” kitob ko'rgazmasining bibliografik sharhi o‘tkazildi, shuningdek, katta yoshdagi kitobxonlarga ma’lumotlar berildi. Tadbir davomida taniqli rus yozuvchisi, rejissyor va aktyor V. Shukshin tavalludining 95 yilligi munosabati bilan uning kitoblari asosida tayyorlangan kitoblar ko'rgazmasi taqdim etildi. 25/07/2024 - 10:40
Mehnat ta'tilida bo'lgan mutaxassis nafaqat dam oladi, balki tajriba almashadi. 2024-yil 22-iyul kuni Mirzo-Ulug‘bek tumanAKM xodimi Qirg‘iziston Respublikasi, Bo‘steri qishlog‘i kutubxonasining tadbirida ishtirok etdi. Tadbir doirasida Bo‘steri qishlog‘ining vatandoshi, xalq qahramoni Bo‘steri ota tavalludining 400 yilligiga bag‘ishlangan ko‘rgazmaga bibliografik sharh o‘tkazildi.Zamonaviy dunyoda mutaxassislar nafaqat dam olish uchun, balki boshqa mintaqa va mamlakatlardagi hamkasblari bilan tajriba almashish uchun ham o'z ta'tillaridan tobora ko'proq foydalanmoqda. Bu bizga nafaqat professional ufqlarimizni kengaytirish, balki kelajakda foydali bo'lishi mumkin bo'lgan yangi aloqalarni o'rnatish imkonini beradi. 2024-yil 22-iyul kuni Mirzo Ulug‘bek tuman axborot-kutubxona markazi xodimi Qirg‘iziston Respublikasining Bo‘steri qishlog‘i kutubxonasi xodimlari bilan yaqindan tanishdi, tajriba almashdi.
Ushbu tadbirdan ko‘zlangan maqsad kutubxonachilik sohasida kasbiy aloqalarni mustahkamlash va ilg‘or tajriba almashish. Uchrashuv davomida mutaxassislar kutubxona ishini tashkil etishning zamonaviy tendentsiyalarini muhokama qildilar, yangi texnologiyalarni joriy etishning muvaffaqiyatli misollari bilan o‘rtoqlashdilar va amalga oshirilishi mumkin bo‘lgan qo‘shma loyihalarni muhokama qildilar.
Tajriba almashinuvining bunday formati nafaqat ishtirokchilarning kasbiy mahorat darajasini oshirish, balki mintaqalar va mamlakatlar o‘rtasidagi madaniy-tarixiy aloqalarni mustahkamlashga ham yordam beradi. Tadbirda ishtirok etgan mutaxassislar bunday uchrashuvlar muhimligini ta’kidlab, kelgusida hamkorlik qilishiga umid bildirdi.
Ushbu tadbir mutaxassislarning kasbiy va xalqaro madaniy aloqalarni rivojlantirish va mustahkamlash uchun ta’tildan unumli foydalanishiga yorqin misol bo‘ldi.
25/07/2024 - 10:37
Mirzo Ulug‘bek tuman axborot-kutubxona markazida “Yangi O‘zbekiston va inson huquqlari” kitob ko‘rgazmasi tashkil etildi. AKM mutaxassislari “Oilaviy kitobxonlik avlodlarni birlashtiradi” doirasida kitobxonlar uchun kitoblarning bibliografik sharhini o‘tkazdilar. Ko‘rgazmada barcha yoshdagi kitobxonlar uchun, O‘zbekistonda inson huquqlari haqidagi kitoblar taqdim etildi. 23/07/2024 - 15:50
Qoraqalpog‘iston Respublikasi, viloyatlar va Toshkent shahar (tuman) axborot-kutubxona markazlari direktorlarining 2024-yil 6 oy davomida amalga oshirilgan ishlar yuzasidan hisobotlar davom etmoqda.23-iyul kuni Toshkent shahar, Namangan, Xorazm va Buxoro viloyatlari axborok - kutubxona markazlarining hisobotlari tinglanish jarayonida yutuqli jihatlar e'tiborga olinib, xato va kamchiliklar tushuntirilmoqda.
22/07/2024 - 17:14
Qoraqalpog‘iston Respublikasi, viloyatlar va Toshkent shahar (tuman) axborot-kutubxona markazlari direktorlarining 2024-yil 6 oy davomida amalga oshirilgan ishlar yuzasidan hisobotlar davom etmoqda.
Hisobotlar tinglanish jarayonida yutuqli jihatlar e'tiborga olinib, xato va kamchiliklar tushuntirilmoqda.
Pages
