o‘z
RU
DE 21/02/2025 - 17:49
"Siyosiy-ma’rifat soati"Respublika Maʼnaviyat va maʼrifat markazi tomonidan tuman, shahar hokimliklari, tashkilot va korxona xodimlari uchun navbatdagi "Siyosiy-maʼrifat soati" tashkil etildi.
Joriy yilning 21-fevral kuni Mirzo Ulug'bek tuman axborot-kutubxona markazi xodimlari "Siyosiy-maʼrifat soati"ni tomosha qilishdi.
20/02/2025 - 12:47
Mirzo Ulug`bek tuman axborot-kutubxona markazida 2025-yil 20-fevral kuni Siyosiy qatag‘on qurboni bo‘lgan yurtdoshlarimiz hayoti va faoliyatini o‘rganish, targ‘ib etish hamda ularning xotirasini abadiylashtirish borasidagi ishlarni kengaytirish to‘g‘risida O‘zbekiston Respublikasi Prezidentining 2024-yil 19-iyuldagi PQ-270-son qaroriga binoan “Jadid yo`li – ma`rifat nuri” nomli kitob ko`rgazmasi tashkil etildi. Ko`rgazmada siyosiy repressiyalar qurbonlari xotirasini abadiylashtirish, ularga nisbatan adolatni tiklash borasidagi amalga oshirilayotgan dasturlar va loyihalar haqida batafsil ma`lumotlar taqdim etilgan.
Aziz kitobxonlar, ushbu ko‘rgazmada sizlar o‘zbek xalqining jasur farzandlari bo‘lgan, siyosiy qatag‘onlarga uchragan shaxslarning hayoti va faoliyatiga bag‘ishlangan kitoblar va materiallarni topishingiz mumkin. Kitoblar orasidan ular haqidagi ma’lumotlar, tarixiy faktlar va ularning yurtimizdagi ahamiyatini chuqurroq anglash imkoniyatiga ega bo‘lasiz.
Axborot-kutubxona markazimizga tashrif buyuring va ushbu qimmatli ilmiy-ma`rifiy merosdan bahramand bo`ling!
18/02/2025 - 11:36
Mirzo Ulug`bek tuman axborot-kutubxona markazi mutaxassislari uchun, Toshkent davlat yuridik universiteti “Davlat va huquq nazariyasi” kafedrasi katta o`qituvchisi D.U. Sufiyeva tomonidan “O`zbekiston Respublikasi Prezidentining 30.01.2025 yildagi PF-16-sonli Farmoni” davlat dasturi doirasida davra suhbati o`tkazildi. Davra suhbatida mutaxassislar “O`zbekiston - 2030” strategiyasida va Oliy Majlis palatalarining majlislarida belgilangan asosiy vazifalaridan biri “Atrof-muhitni asrash va yashil iqtisodiyot” yilida amalga oshirishga oid davlat dasturi bilan tanishtirildi.
Davra suhbatida D.U. Sufiyeva, davlat dasturining ahamiyatini va uning O`zbekistonning kelajagi uchun qanday yangi imkoniyatlar yaratishini ta`kidladi. “Atrof-muhitni asrash” va “yashil iqtisodiyot” yiliga oid davlat dasturi, ekologik barqarorlikni ta`minlash, BMTning iqlim o`zgarishi to`g`risidagi konventsiyasining Kioto protokolidagi vazifalarni amalga oshirish, hamda aholining yashash sifatini yahshilash, tabiiy resurslarni tejash va iqtisodiyotda yashil texnologiyalarni keng joriy etishni maqsad qilinganligini izohladi.
Shuningdek, u “Ozbekiston-2030” strategiyasida belgilangan asosiy vazifalar bilan bog`liq ravishda, mamlakatning ekologik va iqtisodiy taraqqiyot yo`llarini muhokama qildi.
Uchrashuv nihoyasida D.U. Sufiyeva ishtirokchilarni qiziqtirgan barcha savollariga juda batafsil javob berdi, jumladan, ayollarning jamiyatdan orqada qolib ketmasligi uchun va har jabhada qadr-qimmatga ega bo`lishi uchun o`z ustida tinmasdan ishlashi va har doim ilm olish yo`lida izlanishda bo`lishi o`ta muhimliligini ta`kidlab o`tdi.
17/02/2025 - 11:36
Mirzo Ulug`bek tuman axborot-kutubxona markazi mutaxassislari Millarlararo munosabatlar va xorijiy mamlakatlar bilan do`stlik aloqalari qo`mitasida o`tkazilgan “Zahiriddin Muhammad Bobur merosining Turkiy xalqlar adabiyotidagi o’rni” mavzusidagi adabiy-ma’rifiy davra suhbatida qatnashdilar. Mazkur tadbirda Qo‘mita rahbariyati, mutasaddi xodimlari, Respublika ma’naviyat va ma’rifat markazi, O‘zbekiston Fanlar akademiyasi Tarix instituti olimlari, Yozuvchilar uyushmasi, milliy madaniy markazlar raislari va faol yoshlar ishtirok etdilar.
Tadbirni Millatlararo munosabatlar qo‘mitasi raisi o‘rinbosari Azamat Toshev ochib berdi.
Davra suhbatining asosiy qismida Boburning hayoti va ijodiga oid yangi ma’lumotlar, adolatli shoh, buyuk shoirning asarlaridagi turli xalqlar tarixi, madaniyati va etnografiyasiga oid ma’ruzalari tinglandi.
Tadbirning munozara qismida ishtirokchilar tomonidan amaliy taklif va mulohazalar bildirildi. Tadbir so‘ngida turkman, boshqird, beloruss va tojik milliy madaniy markazlari faol yoshlari tomonidan shoir ijodidan namunalar o‘qildi.
14/02/2025 - 11:36
2025-yil 14-fevral kuni Mirzo Ulug`bek tuman axborot kutubxona markazida o`zbek mumtoz adabiyotining ulkan vakili, shoir, tarixchi, geograf, davlat arbobi, iste`dodli sarkarda va Boburiylar sulolasi asoschisi Zahiriddin Muhammad Boburning tavalludiga bag`ishlangan “Boburning izidan: Buyuklikka yo`l” nomli kitob ko`rgazmasi tashkil etildi.Ko`rgazmada Boburning boy adabiy merosi va dunyoqarashi, uning shaxsiyati haqida tasvirli ko`rgazmalar namoyish etildi, shuningdek, uning "Boburnoma" asari va boshqa ilmiy-tarixiy asarlari haqida ma`lumotlar taqdim etildi.
Jumladan, unda Boburning hayoti, ishlari, davlat arbobi sifatida o`z xalqiga qilgan xizmatlari va adabiyotga qo`shgan katta hissasi yoritilgan. Bu orqali Boburshunoslikni o`rganishga qiziquvchilar uchun yangilangan ma`lumotlar va resurslar taqdim etilgan.
Ko`rgazma kitobxonlarni bir tomondan Bobur davriga, ikkinchi tomondan esa uning merosining bugungi kunda qanday qadrlanayotganiga oid fikrlarni ifodalaydi. Ajoyib tarzda bezatilgan ko`rgazmada Zahiriddin Muhammad Boburning portretlari, uning yozgan asarlari va davriga oid arxiv hujjatlari hamda boshqa ko`plab tarixiy materiallar taqdim etilgan.
Aziz kitobxonlar, sizlarni ushbu yuksak shaxsning hayoti va ijodi bilan tanishish, Boburning asarlaridan o`rin olgan betakror fikr va g`oyalarni o`rganish uchun ko`rgazmaga taklif etamiz. Ko`rgazma orqali biz Boburning tarixiy merosiga, uning adabiyotga, san`atga, ilm-fanga qo`shgan beqiyos hissasiga oydinlik kiritamiz.
Marhamat, kitoblar bilan boyitilgan dunyoda birga sayohat qilaylik!
12/02/2025 - 11:36
2025-yil 12-fevral kuni Mirzo Ulug`bek tuman axborot-kutubxona markazida buyuk mutafakkirlar — turkiy xalqlarning shoiri, davlat arbobi Alisher Navoiy va oʻzbek mumtoz adabiyotining yirik vakili, shoir, tarixchi, geograf, davlat arbobi, isteʼdodli sarkarda va Boburiylar sulolasi asoschisi Zahiriddin Muhammad Boburning tavalludiga bag`ishlangan "Bir asrning ikki dahosi" deb nomlangan adabiy-ma`rifiy kecha o`tkazildi.Tadbirda ikki buyuk shaxsning o`ziga xos merosi yoritilib, ularning adabiyot, san'at va ilm-fan sohalaridagi yuksak xizmatlari haqida chuqur fikr almashildi va ularning o`z zamonasi va keyingi avlodlarga qoldirgan ta`siri haqida so`z yuritildi.
Alisher Navoiy va Zahiriddin Muhammad Bobur haqida nafaqat adabiy tafsilotlar, balki ularning hayoti va faoliyatiga oid qiziqarli tarixiy faktlar, ularning davlat boshqaruvi va siyosiy idoralaridagi faoliyatlari ham muhokama qilindi. Navoiy o`zining “Xamsa” asari bilan o`zbek adabiyotining eng yirik adabiy durdonalaridan birini yaratgan bo`lsa, Bobur o`zining “Boburnoma” asari orqali dunyo adabiyotiga katta hissa qo`shgan. Tadbirda "Lashkarbegi" MFY Keksa va nuroniylar kengashi raisi Zulfiya Rasuliy, o`qituvchilar va faol kitobxonlar qatnashdilar.
Shuningdek, tumanimizning 211-maktab o`quvchilari faol ishtirok etib, ushbu yirik mutafakkirlarning asarlaridan va g`azallaridan parchalar o`qidilar. Alisher Navoiy va Boburning hayot yo'li, ularning ijodiy merosi haqida qiziqarli tarihiy sahna chiqishlarini taqdim etdilar. Tadbir so`nggida faol qatnashgan kitobxonlarga esdalik sovg`alari topshirildi.
12/02/2025 - 11:36
Mirzo Ulug`bek tuman axborot-kutubxona markazida 2025-yil 11-fevral kuni XX asrning buyuk rus shoirlaridan biri, yozuvchi, bastakor va adabiy tarjimon Boris Leonidovich Pasternak tavalludining 135 yilligiga bag`ishlangan “Buyuk shoir izidan” nomli tadbir o`tkazildi. Tadbir davomida Pasternakning shaxsiy hayoti va ijodi haqida qiziqarli ma’lumotlar taqdim etildi.
Tadbirda Pasternakning asarlaridan olingan parchalar va uning ijodi bilan bog`liq turli materiallar namoyish etildi. Shuningdek, kitobxonlar Pasternakning she’riyati bilan yaqindan tanishdilar.
Tadbir nihoyasida kitobxonlar shoirning adabiy merosi asosida tayyorlangan kitob ko`rgazmasini tomosha qildilar.
11/02/2025 - 13:01
Mirzo Ulug`bek tuman axborot-kutubxona markazida nomli kitob ko`rgazmasi tayyorlandi. Ko`rgazmada diniy ekstremizm va terrorizmning salbiy oqibatlari haqidagi kitoblar joy olgan. 11/02/2025 - 11:36
2025-yil 11-fevral kuni Mirzo Ulug‘bek tuman axborot kutubxona markaziga O‘zbekistonning mashhur estrada va folk-rok xonandasi, an’anaviy o‘zbek musiqasi ijrochisi, bastakor va O‘zbekiston Respublikasi xalq artisti Sevara Nazarxon tashrif buyurdi.Sevara Nazarxon, o‘zining nafaqat musiqa san’ati, balki insonparvarlik, ta’lim va ilmga bo‘lgan katta e’tibori bilan ham tanilgan shaxs.
Tashrif davomida xonanda kutubxonadagi kitoblar va ma’lumotlar bazasi bilan yaqindan tanishib, uning ilmiy va madaniy faoliyatlari haqida ma’lumot oldi. Shuningdek, xonanda kutubxona xodimlari va foydalanuvchilari bilan suhbatlashib, yaqin orada o`z farzandlari bilan axborot-kutubxona markazimizga yana tashrif buyurib, obuna bo`lishini aytib o`tdi.
Tashrif davomida Sevara Nazarxon kutubxona va uning imkoniyatlari haqida o‘z fikrlarini bildirgan holda, yoshlarni ilm, san’at va ma’naviyatga qiziqtirishda kutubxonaning o`rni katta ekanini ta’kidladi.
11/02/2025 - 11:36
Mirzo Ulug`bek tuman axborot-kutubxona markazida O`zbekistondagi Gyote-Instituti vakillari bilan uchrashuv bo`lib o`tdi.Uchrashuvning maqsadi, o'zaro hamkorlikning uzoq muddatli rejasini muhokama qilish bo`ldi. Uchrashuv qiziqarli va samarali o`tdi.
Uchrashuvda kutubxona faoliyati sohasida yirik loyihalar belgilandi.
Natijada nemis zalida kitobxonlar va kutubxona mutaxassislari uchun ko'plab qiziqarli va foydali ishlar rejalashtirildi.
Pages
