o‘z
RU
DE 09/11/2023 - 00:00
2023 yil 9 noyabr kuni“Biz bir bo‘lsak – yagona xalqmiz, birlashsak Vatanimiz!” g‘oyasi asosida, “Ma’naviyat marafon” loyihasi doirasida Mirzo Ulug‘bek tuman axborot-kutubxona markazi mutaxassislari “Yosh kitobsevarlar” klubi a’zolari bilan birgalikda, S.Yesenin uy-muzeyiga tashrif buyurishdi. Tarixchi va o‘lkashunos olim B.Golender tomonidan o‘tkazilgan ekskursiya davomida kitobxonlar shoir hayoti, shuningdek, Toshkentda bo‘lgani haqida ko‘plab qiziqarli ma’lumotlarga ega bo‘ldilar. Tadbirdan ko‘zlangan maqsad yosh kitobxonlar ma`naviyatini yuksaltirish, shuningdek, kitobxonlarni O‘zbekistonga tashrif buyurgan jahon adabiyoti klassiklariga bo‘lgan qiziqishini oshirish va rivojlantirish, milliy madaniyat va boshqa mamlakatlar madaniyatiga qiziqish va hurmatlarini tarbiyalashga qaratilgan.
07/11/2023 - 00:00
2023 yil 7 noyabr kuniMirzo Ulug'bek tuman axborot-kutubxona markazi mutaxassislari O'zbekiston yozuvchilar uyushmasida, O'zbekiston xalq shoiri Rauf Parfi tavalludining 80-yilligi munosabati bilan "Nozik tuyg'ular kuychisi" deb nomlangan tadbirda ishtirok etdilar. Tadbirda Toshkent shahar "Bilim" axborot- kutubxonasining mutaxassislari Rauf Parfi hayoti va ijodi haqidagi qiziqarli ma'lumotlar berdilar. Tadbir erkin suhbat asosida bo'lib o'tdi. She'riyatga oshno bo'lgan ishtirokchi mutaxassislar Rauf Parfi sheʼrlaridan o'qib, davra qatnashchilariga ko'tarinki kayfiyat bag'ishladilar.
06/11/2023 - 00:00
2023 yil 6 noyabr kuni Mirzo Ulug'bek tuman axborot-kutubxona markazida 210-sonli maktabning 7-sinf o‘quvchilari uchun “Kitob va kutubxona haqida” nomli ekskursiya bo‘lib o‘tdi. AKM mutaxassislari kutubxonachilik tarixi, shuningdek, dunyoning eng mashhur kutubxonalari haqida, kutubxonadan foydalanish qoidalari bilan tanishtirdilar. O'quvchilar kutubxonaning o‘quv zallari, kitob ko‘rgazmalari va kitob fondi bilan tanishdilar.
03/11/2023 - 00:00
2023 yil 3 noyabr kuni 2023 yil 3 noyabr kuni Mirzo Ulug‘bek tuman axborot-kutubxona markazi tomonidan 211-maktabning 3-sinf o‘quvchilari uchun “Adabiy ertaklar” kutubxona darsi o‘tkazildi. O'quvchilar ertakning janri va uning turlari bilan tanishdilar. O'zlari chizgan ertak qahramonlari bilan tanishtirdilar. Tadbirda o'quvchilar berilgan mavzu bo'yicha qiziqarli topshiriqlarni uddaburonlik bilan bajardilar. TAKM mutaxassislari o'quvchilarga kutubxonada kitob tanlash va kitob javonidan uni izlash bo'yich qiziq va muhum ma'lumotlar berdilar. O'quvchilar kitobdan foydalanish va kutubxonaga a'zo bo'lish qoidalari haqida ham ma'lumotga ega bo'ldilar. Tadbirdan ko‘zlangan maqsad kitobxonlik madaniyatini shakllantirish va kitobxonlikni yanada rivojlantirish. Tadbir yakunida o'quvchilar eng mashhur va qiziqarli ertaklar jamlangan kitob ko'rgazmasi bilan tanishdilar.
02/11/2023 - 00:00
2023 yil 2 noyabr kuniMirzo Ulug'bek tuman axborot-kutubxona markazi mutaxassislari O'zbekiston Davlat san'at va madaniyat institutida 4-bosqich talabalariga O'zbekiston xalq yozuvchisi Primqul Qodirov tavalludining 95 yilligi munosabati bilan adib hayoti va ijodiga bag'ishlangan tadbir o'tkazdilar. Tadbirda Kutubxona- axborot faoliyati marketingi fani o'qituvchisi Usmonov Bahodir Suvonqulovich ham ishtirok etdi. Tadbir davomida adibning asarlari va adib hayoti va ijodiga bag'ishlangan ma'lumotlardan tashkil topgan kitob ko'rgazmasining bibliografik sharhi o'tkazildi. Ustoz va talabalar tadbirda faol ishtirok etdilar.
01/11/2023 - 00:00
2023 yil 1 noyabr kuni Mirzo Ulug‘bek tuman axborot-kutubxona markazida atoqli o‘zbek yozuvchisi Pirimqul Qodirov tavalludining 95 yilligi munosabati bilan adib hayoti va ijodiga bag'ishlangan tadbir o'tkazildi. Tadbir davomida Axborot-bibliografiya xizmati tomonidan tashkil etilgan adib hayoti va ijodiga bag‘ishlangan kitob ko‘rgazmasi namoyish etildi. Ko`rgazmada adibning eng sara asarlari hamda adibning tarjimai holi joy olgan.
28/10/2023 - 00:00
INFOLIB Uzbekistan – 2023 doirasida Prezidentimiz Sh.M.Mirziyoyevga MDHning oliy mukofoti topshirilishi munosabati bilan “Do‘stlik, yaxshi qo‘shnichilik va xavfsizlik – O‘zbekiston siyosatining asosiy ustuvor yo‘nalishlari” mavzusidagi taqdimot bilan birgalikda davra suhbat bo‘lib o‘tdi. Tadbir Mirzo Ulug‘bek tumani axborot-kutubxona markazi tomonidan o‘rta maktab o‘quvchilari uchun rus madaniyat markazida bo‘lib o‘tdi. Suhbat chog‘ida Yangi O‘zbekiston konsepsiyasida mamlakatimizning zamonaviy qiyofasini shakllantirish, demokratik davlat va erkin fuqarolik jamiyati barpo etish, Uchinchi Uyg‘onish davri poydevorini yaratish borasidagi islohotlarning asosiy g‘oyasi o‘z ifodasini topgani ta’kidlandi. 27/10/2023 - 00:00
2023 yil 27 oktabr kuni
INFOLIB Uzbekistan – 2023 milliy haftaligi doirasida Mirzo Ulug‘bek tuman axborot-kutubxona markazi 211-maktabning 6-sinf o‘quvchilari uchun “Kitob va kino” nomli adabiy viktorina o‘tkazdilar.Tadbirdan ko‘zlangan maqsad yoshlarni kitobxonlikka jalb etish, faol kitobxon va faol tomoshabinlarni tarbiyalash bo‘lib, uning natijasi “Kino ko'rib, kitob o‘qiymiz!” degan chaqiriq bo‘ldi.Tadbirda mamlakatimizning atoqli adiblarining mashhur asarlari asosida suratga olingan filmlarning kitoblari ko‘rgazmasi namoyish etildi. AKM mutaxassislari tomonidan kino sanʼatining rivojlanish tarixi va jahon adabiyoti klassiklarining filmga moslashuvi haqidagi “Kino va kitoblar sehri” taqdimoti namoyish etildi. O'quvchilar "Kitob o'qish yoki film tomosha qilish" mavzusini muhokama qilishda ishtirok etdilar va tadbirni yakunlagan viktorinada qiziqarli savollarga faol javob berishdi.
25/10/2023 - 00:00
2023 yil 25 oktabr kuni INFOLIB-2023 Milliy axborot-kutubxona haftaligi doirasida Mirzo Ulug‘bek tuman axborot-kutubxona markazi O'zbekiston Davlat san'at va madaniyat instituti 1-kurs talabalari bilan “Til bor ekan - millat barhayot” mavzusida davra suhbati o'tkazdilar. Davra suhbatida o‘zbek tilining tarixi va ahamiyati, alifboga kiritilgan o‘zgarishlar, ona tilini asrab-avaylash va rivojlantirish kabi muhim mavzular muhokama qilindi.
24/10/2023 - 00:00
2023 yil 24 oktyabr kuniMirzo Ulug'bek tuman axborot-kutubxona markazi mutaxassislari “INFOLIB O‘ZBEKISTON-2023” XII Milliy axborot-kutubxona haftaligi doirasida “Axborot-kutubxona fondlarini xatlovdan oʻtkazish, qayta baholash: muammo va yechimlar” mavzusida seminarda ishtirok etdilar. Seminarda axborot-kutubxona muassasalarida fondlarni saqlash va hisobdan chiqarish tartibi bo‘yicha tushunchalar yoritildi. Shuningdek, amaldagi yangi qabul qilingan me’yoriy hujjatlarga muvofiq ish yuritish bo‘yicha tahliliy ma’lumotlarga tayanib, yo‘l qo‘yilgan kamchiliklarni bartaraf etish yuzasidan takliflar berildi.
Pages
