o‘z
RU
DE 13/04/2024 - 12:37
1961-yil 12-aprelda Yuriy Gagarin “Vostok” kosmik kemasida dunyoda birinchi boʻlib Yer orbitasi boʻylab parvozni amalga oshirgan. 108 minut davom etgan parvoz insoniyatning kosmosni oʻrganish tarixida yangi davrni boshlab bergan. Shundan beri har yili 12-aprel Butunjahon aviatsiya va kosmonavtika kuni deb belgilangan va keng miqyosda nishonlanib kelinmoqda.
Mirzo Ulug'bek tuman axborot-kutubxona markazida 12-aprel Butunjahon aviatsiya va kosmonavtika kuniga bag'ishlangan kitob ko'rgazmasi tashkil qilindi.
09/04/2024 - 12:35
Mirzo Ulug'bek tuman axborot-kutubxona markazi “Xon Atlas” festivali doirasida joriy yilning 9-aprel kuni “Milliy qadriyatlar tarannumi” nomli kitob ko'rgazmasi tashkil etidi.
AKM mutaxassislari kitob ko'rgazmasiga bibliografik sharhini o‘tkazdilar. Xon atlasning kelib chiqish tarixi va shakllanish bosqichlari, shuningdek, ushbu milliy matoni ishlab chiqarish texnologiyasi va dizayni haqidagi qiziqarli ma’lumotlar berdilar.
09/04/2024 - 12:32
Sohibqiron Amir Temur 1336-yil 9-aprel kuni Kesh yaqinidagi Xòja Ilğor qishloğida tuğilgan.Sohibqiron Amir Temur qurgan buyuk imperiya jahon tarixida ulkan iz qoldirgani bilan alohida ahamiyatga ega. Milliy davlatchiligimiz rivojiga bemisl hissa qo'shgan ulug' ajdodimiz davlat qurish, uni ma'lum tartib-qoidalar asosida boshqarish borasida ko'plab islohotlarni amalga oshirgan, yangiliklarni joriy qilgan.
Mirzo Ulug'bek tuman axborot-kutubxona markazida Sohibqiron Amir Temur tavalludining 688 yilligiga bag'ishlangan "Buyuk sarkarda" nomli kitob ko'rgazmasi tashkil qilindi.
08/04/2024 - 12:30
“Xon Atlas” festivali doirasida “Hayot ranglari” nomli tadbiri boʻlib oʻtdi.
Mirzo Ulug‘bek tuman axborot-kutubxona markazi tomonidan 8 aprel kuni yoshlarni milliy qadriyatlarimiz bilan yaqindan tanishtirish, madaniy merosni asrab-avaylash va yuksaltirish maqsadida 211-maktab o‘quvchilari uchun sayyor tadbir tashkil etildi.
Tadbir davomida Xon Atlas tarixiga oid videorolik namoyish etildi. AKM mutaxassislari tomonidan ming yillik o‘tmish timsoli, an’ana va urf-odatlari, estetik qarashlari, xalqimizning milliy libosidagi o‘ziga xos xususiyatlari haqida suhbat uyushtirildi.
O’quvchilarga, shuningdek, o‘ziga xos naqshga ega yorqin o‘zbek xon-atlasi butun dunyoga mashhur ekanini ta’kidladilar.
AKM xodimlari tadbir ishtirokchilarini kitob ko‘rgazmasi bilan tanishtirdi. Haqiqiy go'zallik va milliy ranglar bayrami bo'lib o'tdi.
06/04/2024 - 12:27
2024-yil 5-aprel kuni Mirzo Ulug‘bek tuman axborot-kutubxona markazida “Tarixda qolgan nom” tadbiri bo'lib o'tdi. Tadbir O‘zbekiston teleradio va televideniyada qator ko‘rsatuvlar muallifi va rejissyori, jurnalist va yozuvchi - Mastura Abdurahimovna Isxakova bilan bo'lib o'tdi. Tadbir O‘zbekiston ilm-fani, adabiyoti va san’ati rivojiga beqiyos hissa qo‘shgan taniqli ayollar – O‘zbekiston arboblari haqidagi turkum tadbirlarning boshlanishidir. Tadbir davomida muallifning “Navro‘z”, Zulfiya va Hamid Olimjon nomli hujjatli filmlaridan lavhalar namoyish etildi, ular haqida o‘z fikr-mulohazalarini bildirib, filmlar yaratilishi va ijodi haqida qiziqarli ma’lumotlarni so‘zlab berdi.
Tadbir davomida "DIPLOMAT INTERNATIONAL SCHOOL" o‘quvchilarining chiqishlari yorqin va qiziqarli bo‘ldi. Ishtirokchilar Isxakovlar oilasining hayoti va ijodiga bag'ishlangan kitob ko'rgazmasi bilan tanishdilar. Tadbir yakunida AKM mutaxassislari o'quvchilarga kutubxona zallari bo‘ylab ekskursiya o‘tkazdilar.
02/04/2024 - 12:21
Kitoblar qalbimizni ilitadi, ko‘nglimizni yoritadi, baxtli va saodatli, nurli kunlarga boshlaydi. Dunyoni faqatgina ilm bilan zabt etish mumkin ekanligi haqidagi asl haqiqat bugun hech kimga sir emas. Ilmni mustahkam egallashning yo‘li esa bitta, ya’ni – kitob o‘qish.
Joriy yilning 2-aprel kuni Mirzo Ulug'bek tuman axborot-kutubxona markazida "2 aprel – Xalqaro bolalar kitobi kuni" munosabati bilan "Sehrli ertaklarga sayohat" nomli kitob ko'rgazmasi tashkil etildi. Ushbu ko'rgazmada asarlar, ertaklar, maqollar, hikoyalardan iborat bo'lgan adabiyotlar hamda bolalar ensiklopediyalari o'rin olgan.
Yangi O‘zbekiston bolalariga atalgan kitoblar hayot maydonining eng yuksak cho‘qqisiga chorlab turadigan porloq mash’alaga o‘xshaydi. Ularning har bir sahifasi farzandlarimizni izlanishga, intilishga, yangiliklar yaratishga chorlab va hamisha ilhomlantirib turadi.
01/04/2024 - 12:18
29 mart kuni Mirzo Ulug'bek tuman axborot-kutubxona markazi mutaxassislari STARS universiteti tashkil etgan "Ma'naviyat va ma'rifat markazi" ochilishida metodik yordam berdilar. Markazda tashkil etilgan kitob javonlariga kitoblarni joylashtirib berdilar.
26/03/2024 - 12:17
2024-yil 25-mart kuni Mirzo Ulug‘bek tuman axborot- kutubxona markazida taniqli rus yozuvchisi, dramaturg, jurnalist Yu.K. Oleshaning 125 yilligiga bag‘ishlangan tadbir bo‘lib o‘tdi.
AKM mutaxassislari tadbir ishtirokchilarini yozuvchi hayoti va ijodi bilan tanishtiridilar. Tadbir davomida yozuvchi yaratgan asarlari asosida tayyorlagan kitob ko'rgazmasining bibliografik sharhini o‘tkazdilar.
20/03/2024 - 12:14
Joriy yilning 20-mart kuni Mirzo Ulug'bek tuman axborot-kutubxona markazida Axborot-bibliografiya xizmati tomonidan xalqimizning e'zozli milliy bayrami, tabiatga cheksiz go'zallik in'om etuvchi "Navro'z" ayyomiga bag'ishlangan "Assalom Navro'z" nomli kitob ko'rgazmasining bibliografik sharhi o'tkazildi.
20/03/2024 - 12:12
Har yili mamlakatimizda Navro'z bayrami keng miqyosda nishonlanadi. Barcha shahar va qishloqlarda bayram sayillari, tomoshalar, boshqa bayram tadbirlari o'tkaziladi, milliy o'yinlar o'ynaladi. Shu singari 20-mart kuni, Mirzo Ulug'bek tumanidagi 211-maktabda ham bayram tadbiri yuqori shukuhda o'tkazildi. "Assalom, Navro'z" nomli ushbu tadbirda maktab o'quvchilari tomonidan she'r va milliy qo'shiqlar yangradi, milliy liboslarda milliy raqslar, turli xil bellashuvlar, milliy o'yinlar o'ynaldi. Tadbirda Mirzo Ulug'bek tuman axborot-kutubxona markazi mutaxassislari ham faol ishtirok etdilar.
Pages
