o‘z
RU
DE 11/04/2023 - 00:00
Butunjahon aviatsiya va kosmonavtika kuni arafasida Mirzo Ulug‘bek tumani Axborot-kutubxona markazi, Rus madaniyat markazi va Ichki ishlar vazirligi maktabi hamkorligida tadbir bo‘lib o‘tdi. Uchrashuvda – harbiy va sanoat aviatsiyasi faxriylari ishtirok etib, ular Ichki ishlar vazirligi maktabi kursantlariga qutlov so‘zi bilan chiqishdi.
O‘zbekistonning kosmik sohani rivojlantirishga qo‘shgan salmoqli hissalari, koinotni tadqiq etish insoniyat taraqqiyotidagi muhim bosqich va fazoviy tadqiq haqida so‘z yuritildi.
"III Respublika Kitobxonlik haftaligi” doirasida Mirzo Ulug‘bek tumani AKM tomonidan “12-aprel – Butunjahon aviatsiya va kosmonavtika kuni” ko‘rgazmasi namoyish etildi, unda koinot fani yutuqlariga bag‘ishlangan kitoblar hamda jahonning eng mashhur fantastlari asarlari namoyish etildi.
10/04/2023 - 00:00
10.04.2023 yil Mirzo Ulug‘bek tumani Axborot-kutubxona markazida Kitob haftaligi doirasida “Kitob - bolaning eng yaqin do‘sti” nomli adabiy kecha – tadbiri bo‘lib o‘tdi. AKM mutaxassislari tomonidan “Kitobdan yaxshi do‘st yo‘q” taqdimoti namoyish etildi, unda kitobning paydo bo‘lish tarixi, kitob mutolaasining afzalliklari haqida so‘zlab berildi.
Tadbir davomida 35-umumta’lim maktabi o‘quvchilari jahon adabiyoti klassiklari asarlari, jahon xalqlari ertaklari, bolalar ta’limiy ensiklopediyalari namoyish etilgan “Kitobni ochib-dunyoni ocharsan” nomli kitob ko‘rgazmasi bilan tanishdilar.
Axborot-kutubxona markazida bolalar “Adabiy qahramonni top” va “Ertaklar karvoni” viktorina va tanlovlarida faol ishtirok etishdi.
Tadbir so‘ngida bolalar kutubxona bo'ylab ekskursiya qilishdi.
06/04/2023 - 00:00
06.04.2023 Mirzo Ulug‘bek tumani Axborot-kutubxona markazi tomonidan 211-maktabda “Bolalikni kitob bilan o`tkaz” nomli adabiy soat tadbiri o‘tkazildi. AKM mutaxassislari bolalarga kitoblar, kutubxonalar, kitobga bag‘ishlangan bayramlar va kitob o`qishning afzalliklari haqida qiziqarli ma’lumotlar berishdi.
Bolalar “Ertaklar arg`umchog`i” va “Asar qahramonini top” viktorinalarida faol ishtirok etishdi.
Tadbir yakunida o`quvchilar kitobga bag‘ishlangan she’rlarini yoddan o‘qib berishdi.
04/04/2023 - 00:00
04.04.2023 Mirzo Ulug‘bek tumani axborot-kutubxona markazida Xalqaro bolalar kitobi kuni munosabati bilan “Kitobxon ona, kitobxon bola” doirasida bolalar o‘qishlari bo‘lib o‘tdi. Har yili butun dunyo bo'ylab 2 aprelda buyuk Daniya hikoyachisi Xans Kristian Andersenning tug'ilgan kunida nishonlanadi.Tadbir davomida bolalar va ularning onalari kutubxonadagi yangi kitoblar bilan tanishdilar va AKM mutaxassislari bayram tarixi, taniqli ertakchi G.X. Anderson va ushbu voqeaga bag'ishlangan ko'rgazmada kitoblarni taqdim etdi.
28/03/2023 - 00:00
28.03.2023 yil Mirzo Ulug‘bek tumani Axborot-kutubxona markazida Respublika Ma’naviyat va ma’rifat kengashi Mirzo Ulug‘bek tuman bo‘limi vakillari bilan birgalikda "Kitob eng yaxshi do'stimiz" nomli adabiy kecha bo'lib o'tdi. Tadbir “Kitobxonlik kuni” loyihasi doirasida o‘tkazildi.
Tadbirdan ko‘zlangan maqsad: Yoshlarni kitob mutolaasiga jalb qilish, kitobxonlik madaniyatini yuksaltirish, kitobxonlikka muhabbatni uygotish.
Tadbirni Mirzo Ulug‘bek tumani AKM direktori T.S.Alimxodjayeva ilg‘or, innovatsion, ijodkor zamonaviy shaxsni kamol toptirishda kitobning ahamiyati va o‘rni haqidagi ma'ruzasi bilan ochib berdi.
Tadbirda 211-maktabning 7-8-sinf o‘quvchilari va 28-maktabning yuqori sinf o‘quvchilari qatnashdilar. Tadbir ishtirokchilari “Mutolaaning inson hayotidagi orni” taqdimoti bilan tanishdilar. Oquvchilar “Kitob sahifalari orqali” viktorinasida faol va zavq bilan ishtirok etishdi.
Tadbir yakunida barcha ishtirokchilarga sovg‘alar topshirildi.
Respublika Ma’naviyat va ma’rifat kengashi Mirzo Ulug‘bek tuman bo‘limi Mirzo Ulugbek TAKM mutaxassislariga tadbirlarda doimiy hamkorliklari va "Kitobxonlik kuni" tadbirini yuqori saviyada otkazganliklari uchun oz tashakkurlarini bildirishdi. TAKM direktori T.S. Alimxo‘djayevaga minnatdorchilik bildirib, o`zlari tomonidan tayyorlangan "Tashakkurnoma" bilan taqdirladilar.
28/03/2023 - 00:00
Assalomu alaykum aziz do’stlar!
Sizlarni bahoriy tengkunlik va yurtimizning yangilanish fasli hamda ajoyib Navro’z bayrami ayyomi bilan chin dildan qutlaymiz!
Ushbu kunda sizni quvonch va shodlik tark etmasin! Yurtimiz O’zbekistonning yangi yilida yangi orzularingiz amalga oshishini tilab qolamiz!
Siz uchun ushbu yil barakali yillardan biri bo‘lib qolishida, umid bilan tashlangan har bir qadamingiz esa o‘z ijobiy natijalariga ega bo‘lishida tilakdoshmiz.
Bugungi Navro’z ayyomingiz ko’tarinki kayfiyatda o’tsin! Yana bir bor Navro’z ayyomi muborak bo’lsin!
17/03/2023 - 00:00
17.03.2023 yil Mirzo Ulug'bek tumani axborot-kutubxona markazi "Navro'zni kitob bilan kutib olamiz!" shiori ostida "Assalom Navro'z" tadbiri o'tkazildi. Tadbir “O’ZDAV- KITOBSAVDO- TAMINOT” MCHJ va Mirzo Ulugbek tumanidagi "Barkamol avlod" bolalar maktabi bilan hamkorlikda otkazildi.
Bayram tadbirida kitob yarmarkasi tashkil etildi.
AKM mutaxassislari Navro'zni nishonlash an'analari va urf-odatlari haqida gapirib berishdi.
Tadbir davomida Navrozga bagishlangan qiziqarli viktorina o'tkazildi, unda kattalar ham, bolalar ham faol ishtirok etishdi. Viktorina savollariga to'g'ri javoblar uchun hamma sovgalarni qo'lga kiritdi.
15/03/2023 - 00:00
‼️Odamlaru-odamlar!
Eshitmadim demanglar!!!
Navro‘zni kitob bilan kutib olamiz!
17-mart kuni soat 14.00 da Toshkent shahridagi “Barkamol avlod” bolalar maktabida bolalar va kattalar uchun "Kitob yarmarkasi"ning ochilishi bo‘lib o‘tadi.
Ozbekiston nashriyot uylarida chop etilayotgan badiiy adabiyotlar bilan tanishish va xarid qilish imkonini qoldan boy bermang
Shuningdek, “Barkamol avlod” maktabida faoliyat yurituvchi turli to‘garaklar: rasm chizish, milliy libos tikish, ingliz tili, kompyuter savodxonligi va boshqa to‘garaklarga yozilishingiz mumkin.
BARCHANI KITOB YARMARKASIGA TAKLIF ETAMIZ!
06/03/2023 - 00:00
06.03.2023 Mirzo Ulug‘bek tumani Axborot kutubxona markazi 8-mart Xalqaro xotin-qizlar kuni munosabati bilan 211-maktab bilan hamkorlikda bayram tadbiri o`tkazdilarTadbirda o‘quvchilar ajoyib yorqin sahna ko‘rinishlari, O‘zbekistonning taniqli shoirlari va jahon klassiklari she’rlari, bahor va ayol go‘zalligi ramzi bo‘lgan milliy raqslarni ijro etdilar
Tadbir yakunida 211-maktab o‘quvchilari tomonidan yaratilgan “Nafosat gullari” nomli rasm va hunarmandchilik ko‘rgazmasi namoyish etildi
01/03/2023 - 00:00
01.03.23 Mirzo Ulug'bek tumani axborot-kutubxona markazining Axborot-bibliografiya xizmati mutaxassislari o'zbek xalqining atoqli va ardoqli vakili, taniqli jamoat arbobi, xalqaro tinchlik uchun kurash jarchisi Zulfiyaxonim tavalludi munosabati bilan "Zulfiyaxonim - mehr-muhabbat va sadoqat timsoli" nomli kitob ko'rgazmasi tayyorladilar.Ko'rgazmada uning ma'lum va mashhur asarlari va u haqidagi qiziqarli ma'lumotlar joy olgan.
Pages
